www.padamyarfm.com
www.padamyarfm.com
http://goo.glhdUIvl
တနင်္လာ, ၁၆ စက်တင်ဘာ ၂၀၁၉

Mizzima Burmese

ဦးအေးလွင်

အီးမေးလ်ပို့ရန် ပရင့်ထုတ်ရန် PDF ဖိုင်ရယူရန်

ဦးအေးလွင်
(ဥက္ကဋ္ဌ၊ ပြည်ထောင်စု မြန်မာနိုင်ငံ အမျိုးသားနိုင်ငံရေးအဖွဲ့ချုပ်)

အမည်                           ဦးအေးလွင်
မွေးသက္ကရာဇ်                   ၁၆. ၁၁. ၁၉၆၃
မိဘ                               ဦးမြသန်း ၊ ဒေါ်ရင်
ပါတီအမည်                     ပြည်ထောင်စု မြန်မာနိုင်ငံ အမျိုးသားနိုင်ငံရေး အဖွဲ့ချုပ် (ပါတီ မှတ်ပုံတင်ပြီးဖြစ်)
ရာထူး                            ဥက္ကဋ္ဌ
မွေးရပ်ဇာတိ                    မအူကုန်းကျေးရွာ၊ အင်းမတိုက်နယ်၊ သဲကုန်းမြို့နယ်၊ ပြည်ခရိုင်၊ ပဲခူးတိုင်း
မွေးချင်း                          မောင်နှမ ၅ ဦးအနက် တတိယမြောက်
ပညာအရည်အချင်း            အင်းမမြို့ အထက်တန်းကျောင်းမှ ၁၉၈၂ ခုနှစ်တွင် ၁ဝ တန်း အောင်၊ ယင်းနှစ်တွင် ရန်ကုန် စက်မှုတက္ကသိုလ် တက်ရောက်ခဲ့သည်။
၁၉၈၈ ခုနှစ်တွင် ချည်မျှင်နှင့် အထည် အင်ဂျင်နီယာ တတိယနှစ်ကျောင်းသားအဖြစ် သင်ယူနေချိန် ရန်ကုန် စက်မှုတက္ကသိုလ် ကျောင်းသားနှင့် အရပ်သား အရေးအခင်း ဖြစ်ပွားရာမှတဆင့် နိုင်ငံရေးလောကထဲသို့ ဝင်ရောက်ခဲ့သည်။
ထိန်းသိမ်းခံ ခုနှစ်              ၁၉၈၈ ခုနှစ် မတ်လ ၁၅ ရက်နေ့မှ ဇူလိုင်လ ၇ ရက်နေ့အထိ အင်းစိန်ထောင် အနီးရှိ သီးသန့်အကျဉ်းထောင်တွင် ထိန်းသိမ်းခံရ။
အိမ်ထောင်                      မရှိ
ပါဝင်ခဲ့သည့်အဖွဲ့များ          မြန်မာနိုင်ငံလုံးဆိုင်ရာ ကျောင်းသားသမဂ္ဂ ပြန်လည်ဖွဲ့စည်းရေး ကော်မတီ - အတွင်းရေးမှူး (သြဂုတ်၊ ၁၉၈၈)
ကျောင်းသားများ ဒီမိုကရေစီ အရေးတော်ပုံပါတီ - ဥက္ကဋ္ဌ (နိုဝင်ဘာ၊ ၁၉၈၈)
၈၈ မျိုးဆက်ကျောင်းသားလူငယ်များအဖွဲ့ (မြန်မာနိုင်ငံ) - ဥက္ကဋ္ဌ (စက်တင်ဘာ၊ ၂ဝဝ၅)
ပြည်ထောင်စု မြန်မာနိုင်ငံ အမျိုးသားနိုင်ငံရေး အဖွဲ့ချုပ် - ဥက္ကဋ္ဌ (၂၃.၇.၂ဝဝ၇ မှ လက်ရှိအထိ)

ပါတီမှ ဝင်ရောက်အရွေးခံမည့် ပြည်နယ်/တိုင်းများ

ရန်ကုန်တိုင်း၊ မန္တလေးတိုင်း၊ မကွေးတိုင်း၊ ပဲခူးတိုင်း၊ ဧရာဝတီတိုင်း၊ စစ်ကိုင်းတိုင်း၊ ကချင်ပြည်နယ်၊ ကရင်ပြည်နယ်၊ ချင်းပြည်နယ်၊ ရှမ်းပြည်နယ်၊ မွန်ပြည်နယ်။

ပါတီ အင်အား

စည်းရုံးရေးမှူး ၁ သောင်းခန့် (ခန့်မှန်း)။ ပါတီဝင် တသိန်းခွဲမှ ၂ သိန်းကြား (ခန့်မှန်း)။

လက်ရှိ မြန်မာ့နိုင်ငံရေးအပေါ် အမြင်

''ဖြစ်ပေါ်လာတဲ့ အခြေအနေနဲ့ ထိုက်တန်အောင် ကျနော်တို့ လုပ်ကိုင်ဆောင်ရွက်သွားဖို့ လိုတယ်။ ပြည်သူလူထုကလည်း သူတို့လိုချင်တဲ့ နိုင်ငံရေး အခြေအနေမျိုးကို ခင်းကျင်းပေးနိုင်မယ့် နိုင်ငံရေး အဖွဲ့အစည်းမျိုးကို ပြတ်ပြတ်သားသား လက်တွဲပြီးတော့ ပူးပေါင်းဆောင်ရွက်ခြင်းအားဖြင့်သာလျှင် မြန်မာနိုင်ငံဟာ ပိုအခြေအနေကောင်းလာမယ်လို့ သုံးသပ်မိတယ်''

စစ်အစိုးရအပေါ် အမြင်

''တည်ဆဲအစိုးရကတော့ ကျနော်တို့ဘက်က ရင့်ကျက်လာရင် သူတို့ နောက်ဆုတ်ပေးရမှာပဲလေ။ ပြည်သူလူထုကလည်း နိုင်ငံရေးအရလည်း ရင့်ကျက်လာမယ်၊ ကျနော်တို့ နိုင်ငံရေးလောကသားတွေကလည်း နိုင်ငံရေးအရ ပြည်သူလူထုကို ဦးဆောင်ဦးရွက်ပြုနိုင်တယ်၊ ကျနော်တို့လိုချင်တဲ့ ပါတီစုံ ဒီမိုကရေစီစနစ်နဲ့ ဆီလျော်တဲ့ နိုင်ငံရေး အခင်းအကျင်းတွေကို အားကောင်းမောင်းသန် လုပ်နိုင်ပြီ၊ ပြည်သူလူထုကိုလည်း နိုင်ငံရေးလောကက အထိန်းအကြောင်း လုပ်ပေးနိုင်ပြီဆိုရင် မြန်မာ့နိုင်ငံရေးက တဖြည်းဖြည်း ရင့်ကျက်လာပြီလေ။ အဲဒီကျတော့ တပ်က မလိုအပ်တော့ဘူး။ လုံးဝကို မလိုအပ်တော့ဘူးလေ။ အဲဒီ အခြေအနေကို ရောက်သွားပါလိမ့်မယ်''

ရွေးကောက်ပွဲ ဝင်ရောက်မည့် ကြွေးကြော်သံ

''၈၈ တုန်းက တပါတီစနစ် ဖျက်သိမ်းဖို့နဲ့ ပါတီစုံစနစ် ဖော်ဆောင်ဖို့ဆိုပြီး ကျနော်တို့ ကြွေးကြော်ခဲ့တယ်လေ။ အဲဒါ ကျနော်တို့ မပြီးသေးဘူး။ အဲဒါကို ၂ဝ၁ဝ မှာ ပြီးပြတ်အောင်ဆိုပြီးတော့ အဲဒီလမ်းစကို ပြည်သူလူထုနဲ့ အင်တိုက်အားတိုက် လက်တွဲပြီး ချီတက်သွားမှာပါ။ အဲတော့ တပါတီစနစ် ဖျက်သိမ်း၊ ပါတီစုံစနစ် ဖော်ဆောင်ဆိုတဲ့ ၈၈ တုန်းက မပြီးပြတ်သေးတဲ့ကိစ္စကို ၂ဝ၁ဝ မှာ ပြီးပြတ်အောင် လုပ်သွားမယ်ဆိုတာ ကျနော်တို့ရဲ့ ကြွေးကြော်သံပါ''

ရွေးချယ်ခံရလျှင် ပြည်သူအတွက် လုပ်ဆောင်ပေးမည့် ရည်ရွယ်ချက်

''ပြည်သူလိုချင်တာ အကျိုးစီးပွား ဖြစ်တယ်။ အဲတော့ ဒီ ၂ဝ၁ဝ မှာ အခွင့်အာဏာတွေကို စစ်တပ်က ပြည်သူ့လက်ထဲကို လွှဲကို ပေးရမှာလေ။ အဲဒီ လွှဲပေးလိုက်တဲ့ အခွင့်အာဏာတွေကို ကျနော်တို့ကသာ သုံးစွဲခွင့် ရမယ်ဆိုရင် ပြည်သူလူထုရဲ့ အခွင့်အရေးတွေနဲ့ အကျိုးစီးပွားတွေဟာ ထိုက်ထိုက်တန်တန် ဖြစ်လာဖို့ လုပ်ပေးနိုင်တယ်လို့ ကျနော်တို့ ယုံကြည်ပါတယ်။  ပြည်သူလူထုအတွက် လိုအပ်တဲ့ ဒီမိုကရေစီ အခွင့်အရေး၊ လူ့အခွင့်အရေးတွေကို နိုင်ငံတကာ စံချိန်စံညွှန်းနဲ့အညီ၊ ဖြစ်ပေါ်ပြောင်းလဲ တိုးတက်လာဖို့အတွက် ကျနော်တို့ အာမခံတယ်။ တာဝန်ယူနိုင်တယ်''

နိုင်ငံ၏ စီးပွားရေး မူဝါဒအပေါ် အမြင်

''ကျနော်တို့ မြန်မာနိုင်ငံမှာ စစ်အစိုးရက အုပ်ချုပ်နေတယ်ဆိုပြီးတော့ ပြည်ပကနေ စီးပွားရေးပိတ်ဆို့တာတွေ ရှိတယ်လေ။ ဒါက ဒီမိုကရေစီနဲ့ မညီလျော်ဘူးလို့ မြင်တယ်။ အရပ်သား သမ္မတဦးဆောင်တဲ့ အုပ်ချုပ်ရေးစနစ်လည်း ဖြစ်လာမယ်။ ရွေးကောက်ပွဲရလဒ် အသက်ဝင်လာမယ့် နိုင်ငံရေး အခင်းအကျင်းတွေ ဖြစ်လာမယ် အဲဒါအတွက် စစ်တပ်က အာဏာလွှဲပေးပြီးတဲ့နောက်ပိုင်း အဲဒါတွေကို ကျော်လွှားနိုင်မယ်ဆိုရင် နိုင်ငံတကာ အသိုင်းအဝိုင်းကနေ အရင်းအနှီးတွေ၊ အတတ်ပညာတွေ၊ နည်းပညာတွေ၊ အတွေ့အကြုံတွေ အဲဒါတွေ ကျနော်တို့နိုင်ငံထဲ ရောက်လာမယ်။ အဲဒီကျရင် အလုပ်အကိုင် အခွင့်အလမ်းတွေ ပိုပွင့်လာပြီး ကျနော်တို့နိုင်ငံ စီးပွားရေး ပိုကောင်းလာမယ်လို့ မျှော်လင့်ထားတယ်''

''ဒီနှစ်ထဲမှာ ပုဂ္ဂလိကလွှဲပြောင်းရေးတွေ လုပ်နေတာနဲ့ ပက်သက်ပြီး ပြောရရင်တော့ Planet Economic လို့ ခေါ်တဲ့ ဗဟိုအစိုးရကနေ ချုပ်ကိုင်ပြီး လုပ်နေတာထက်စာရင် ပုဂ္ဂလိကကို လွှဲပေးတယ်ဆိုတဲ့ သဘောသဘာဝကိုက ဈေးကွက်စီးပွားရေးနဲ့ ပုဂ္ဂလိက စီးပွားရေးဘက်ကို တိမ်းညွှတ်လာတာ ဖြစ်တဲ့အတွက် ကျနော်တို့က ကြိုဆိုရမှာပါ။ အရပ်သား အစိုးရလက်ထက်ကျရင်တော့ ဒါတွေက ပိုပြီးတော့ အားကောင်းမောင်းသန်နဲ့ ပီပြင်လာမယ်လို့ ယုံကြည်ထားပါတယ်''

ရွေးကောက်ပွဲနှင့် စာနယ်ဇင်း လွတ်လပ်ခွင့်အပေါ် သဘောထား

''စာနယ်ဇင်း လွတ်လပ်ခွင့်ကတော့ လက်ရှိအနေအထားထက်စာရင် အားလုံး ဖွင့်ပေးရမယ်လို့ မြင်တယ်။ ဘာမှ ကန့်သတ်ထားလို့ မရဘူးလေ။ ပြည်သူကို နိုင်ငံရေးသမားက လွတ်လွတ်လပ်လပ် ပြောလို့ ရနေရမယ်ဗျာ။ နိုင်ငံရေးသမားကို ပြည်သူက လွတ်လွတ်လပ်လပ် တွေ့ပြီးတော့ သိချင်တာတွေ၊ မေးချင်တာတွေကို မေးခွင့် ရနေရမယ်။ နိုင်ငံတကာ သတင်းမီဒီယာတွေရဲ့ လွတ်လပ်မှုစံနှုန်းနဲ့ အညီပေါ့ဗျာ။ လုံးဝ ဖွင့်ပေးရမယ်လို့ မြင်တယ်ခင်ဗျ''