တရုတ်တွင် အွန်လိုင်းလှုပ်ရှားမှုများ စောင့်ကြည့်ရန် ၀န်ထမ်းပေါင်း နှစ်သန်းကျော် အလုပ်ခန့်ထားဟုဆို

ပရင့်ထုတ်ရန်

တရုတ်အစိုးရအနေဖြင့် အွန်လိုင်းဝက်ဘ်ဆိုဒ်ပေါ်ရှိ လှုပ်ရှားမှုများအား စောင့်ကြည့်ရန်အတွက် ၀န်ထမ်း ပေါင်း
နှစ်သန်းကျော်အား အလုပ်ခန့်ထားသည်ဟု နိုင်ငံပိုင်သတင်းတစ်ခုတွင် ဖော်ပြခဲ့သည်။

ယင်းမှာ တရုတ်အစိုးရအနေဖြင့် အင်တာနက်အသုံးပြုခြင်းကို မည်မျှထိန်းချုပ်ရန် ကြိုးပမ်းနေသည်ဆိုခြင်းအတွက် ရှားရှားပါးပါးသဲလွန်စပေးလိုက်ခြင်းပင်ဖြစ်သည်။

အင်တာနက်ပေါ်ရှိ အမြင်သဘောထားများအား လေ့လာသုံးသပ်သူများဟု ဖော်ပြခြင်း ခံထားရသည့်
စောင့်ကြည့်လေ့လာသူနှစ်သန်းအား အစိုးရလစာ သို့မဟုတ် ပုဂ္ဂလိကစီးပွားရေးလုပ်ငန်းများရှိ ၀န်ထမ်းများ၏ လစာများ နှင့် တူညီသည့်ပမာဏဖြင့် ခန့်အပ်ထားခြင်းဖြစ်သည်ဟု ဘေဂျင်းသတင်းဌာနက ပြောကြားလိုက်သည်။

တရုတ်နိုင်ငံအတွင်းရှိ သန်းပေါင်းရာနှင့်ချီရှိသော အင်တာနက်သုံးစွဲသူများက အစိုးရကို ဝေဖန်ရန်နှင့် ၎င်းတို့၏ စိတ်ဆိုးဒေါသထွက်မှုများအား ဖော်ထုတ်ရန်အတွက် မိုက်ကရိုဘလော့ဂ်များကို တစ်ဆတစ်ဆ တိုးမြှင့် အသုံးပြုလာခဲ့ကြပြီဖြစ်သည်။

မကြသေးခင်က ပြုလုပ်ခဲ့သည့် သုတေသနမှတ်တမ်းတွင် တရုတ်အစိုးရအနေဖြင့် လူမှုရေးမီဒီယာများအား အဓိကဦးတည်ကာ ဆင်ဆာဖြတ်တောက်မှုများ တက်တက်ကြွကြွ ပြုလုပ်နေသည်ဟု ဆိုသည်။

ယခုကဲ့သို့ စောင့်ကြည့်လေ့လာမှုများ ပြုလုပ်နေသူများအနေဖြင့် အင်တာနက်သုံးစွဲသူများ၏ ရေးသား ဆွေးနွေးမှု များကို ဖျက်ပစ်ရန်မလိုအပ်ဟုလည်း ဘေဂျင်းသတင်းဌာန၏ သတင်းအစီရင်ခံစာတွင် ဖော်ပြထားသည်။

၎င်းတို့မှာ “မိုက်ကရိုဘလော့ဂ်တွေပေါ်က အများပြည်သူအမြင်သဘောထားတွေကို စုစည်းလေ့လာသုံးသပ် တာတွေ ပြုလုပ်ခြင်း ကိုသာလုပ်ဖို့ တင်းကျပ်ထားပါတယ်။ အဲဒါတွေကို ဆုံးဖြတ်ချက်ချမှတ်သူတွေ အတွက် အစီရင်ခံစာတွေအဖြစ် ပေါင်းစပ်ဖို့ပါ”ဟု ထို အစီရင်ခံစာတွင် ဖော်ပြထားသည်။

ထို့အပြင် လေ့လာစောင့်ကြည့်သူများ မည်သို့အလုပ်လုပ်သည်ဆိုသည်ကိုလည်း အသေးစိတ်ဖော်ပြ ခဲ့သည်။

Tang Xiaotao ဆိုသူမှာ လေ့လာစောင့်ကြည့်သူတစ်ဦးအဖြစ် အလုပ်လုပ်ကိုင်ခဲ့သည်မှာ ခြောက်လတာ ကြာမြင့်ပြီး
ဖြစ်သည်ဟု အစီရင်ခံစာတွင် ဖော်ပြထားသည်။ သို့သော် မည်သည့်နေရာတွင် ၎င်းင်းအလုပ် လုပ်သည်ကိုမူ
ဖော်ပြထားခြင်းမရှိပေ။

“သူက PC ရှေ့မှာ နေ့တိုင်းထိုင်ရပါတယ်။ ဖောင်တစ်ခုကိုလည်း ဖွင့်ထားရပါတယ်။ ပြီးတော့ အထက် အရာရှိတွေက သတ်မှတ်ပေးထားတဲ့ အဓိကစာလုံးတွေကို ရိုက်ရပါတယ်။”  “အဲဒီနောက်မှတော့ သူ့အနေ နဲ့ အထက်အရာရှိနဲ့ ဆက်စပ်တဲ့မကောင်းမြင်မှုတွေကို စောင့်ကြည့်ရှာဖွေရပါတယ်။ တွေ့တဲ့ဟာတွေကို စုပြီးတော့ အစီရင်ခံစာ တစ်ခု အဖြစ် ပေါင်းစပ်ပေးပို့ရပါတယ်”ဟု ဖော်ပြထားသည်။

တရုတ်နိုင်ငံမှာ ၎င်း၏အင်တာနက်ဆိုင်ရာ ရဲဝန်ထမ်းများနှင့် သက်ဆိုင်သည့် ရှုပ်ထွေးမှုများနှင့် လုပ်ငန်း အနေ အထားတို့အား အသေးစိတ်ဖော်ပြလေ့မရှိပေ။ အင်တာနက်စောင့်ကြည့်လေ့လာသူနှစ်သန်းမှာ အင်တာနက်အား ထိန်းချုပ်ရန်အတွက် အစိုးရမှ မှီခိုနေသော တပ်သားအင်အား၏ အစိတ်အပိုင်းတစ်ခုသာ ဖြစ်သည်ဟု ယုံကြည်ထား ကြသည်။

ထို့အတူ အစိုးရအနေဖြင့် ၎င်းတို့အား အောက်တိုဘာ ၁၄ ရက်မှ ၁၈ ရက်အထိ သင်တန်းများပေးအပ်ရန်လည်း စီစဉ်နေသည်ဟု သတင်းအစီရင်ခံစာတွင် ဖော်ပြထားသည်။

သို့သော် ယင်းသင်တန်းများမှာ လက်ရှိ အလုပ်လုပ်ကိုင်နေသော ၀န်ထမ်းများအား ပေးအပ်မည်လော သို့မဟုတ် အသစ်ခန့်ထားမည့်ဝန်ထမ်းများအား ပေးအပ်မည်လောဆိုသည်ကိုမူ ရှင်းရှင်းလင်းလင်း မသိရှိ ရသေးပေ။

အဆိုပါသင်တန်းတွင် သင်ခန်းစာပေါင်း ရှစ်ခုပါရှိမည်ဖြစ်ပြီး သင်တန်းတက်ရောက်သူများအား အွန်လိုင်း ရှိ ရေးသား ချက်များအပေါ် မည်သို့လေ့လာသုံးသပ်၊ ဆုံးဖြတ်ရမည်ဆိုသည်နှင့် အကျပ်အတည်းများ အောက်တွင် မည်သို့
ဆောင်ရွက်ရမည်ဆိုသည်တို့အား သင်ကြားသွားမည်ဖြစ်သည်ဟု ၎င်းတွင် ဖော်ပြထားသည်။

တရုတ်နိုင်ငံအတွင်းရှိ အထင်ရှားဆုံးသော မိုက်ကရိုဘလော့ဂ်များမှာ Sina Weibo ၀က်ဘ်ဆိုဒ်ဖြစ်ပြီး ၂၀၁၀ ခုနှစ်တွင် စတင်တည်ထောင်ခဲ့သည်။ ယခုအခါတွင် ၎င်းဝက်ဘ်ဆိုဒ်၌ မှတ်ပုံတင်ထားသူပေါင်း သန်း ၅၀၀
ကျော်ရှိပြီး မက်ဆေ့ခ်ျပေါင်း သန်း ၁၀၀ ခန့်အား နေ့စဉ်ရေးသားဖော်ပြလျက်ရှိသည်။ ရေးသားတင်ပြသည့် အကြောင်းအရာများတွင် မိမိတို့၏ ကိုယ်ပိုင်ဝါသနာများ၊ ကျန်းမာရေးမှသည် အနုပညာရှင် အကျော်အမော် များ၏ ကောလာဟလများနှင့် အစားအသောက်လုံခြုံရေးတို့အထိ ပါဝင်သည်။

သို့သော် ရေးသားတင်ပြဆွေးနွေးသည်များတွင် အာဏာပိုင်များ၏ အကျင့်ပျက်ခြစားမှုကဲ့သို့သော နိုင်ငံရေးအရ ထိလွယ်ရှလွယ်သော ကိစ္စရပ်များလည်း ပါဝင်သည်။