www.padamyarfm.com
www.padamyarfm.com
http://goo.glhdUIvl
ဗုဒ္ဓဟူး, ၂၁ သြဂုတ် ၂၀၁၉

Mizzima Burmese

Home > သတင်း > နာရေးသတင်း > သတင်းစာဆရာ မောင်ဝံသ ကွယ်လွန်

သတင်းစာဆရာ မောင်ဝံသ ကွယ်လွန်

အီးမေးလ်ပို့ရန် ပရင့်ထုတ်ရန် PDF ဖိုင်ရယူရန်

ပြည်တွင်းတွင် ထင်ရှားသော  သတင်းစာဆရာတစ်ဦးဖြစ်သော ပြည်သူ့ခေတ်ဂျာနယ် အတိုင်ပင်ခံ အယ်ဒီတာ
မောင်ဝံသ (အမည်ရင်း ဦးစိုးသိမ်း) သည် ကင်ဆာရောဂါဖြင့်  သြဂုတ်  ၁၁ ရက် နံနက် ၆ နာရီ ၁၅ မိနစ်အချိန့်
ခန့်တွင် ကွယ်လွန်သွားခဲ့ကြောင်း ဆရာမောင်ဝံသ ၏ သမီးဖြစ်သူ မလတ်လတ်စိုး၏ ဖေ့စ်ဘွတ်အကောင့်တွင် "ဖေဖေ ဆုံးပြီ" ဟု ဖော်ပြထားသည်။

ဆရာမောင်ဝံသ ကွယ်လွန်သည့် ရက်သည် သမီးဖြစ်သူ မလတ်လတ်စိုး ၏ မွေးနေ့ ဖြစ်နေသည်ဟုလည်း သိရ
သည်။

ဆရာကွယ်လွန်ခြင်းနှင့် ပတ်သက်ပြီး “ သတင်းမီဒီယာ လောက၏ အရေးကြီးသော မီဒီယာဥပဒေဆိုင်ရာ ဥပဒေကြမ်း ရေးဆွဲနေချိန်တွင် ကွယ်လွန်ခဲ့သဖြင့် အားတစ်ရပ်လျော့ပါးပြီး စာနယ်ဇင်းကောင်စီ၏ လုပ်ရပ်များကို ကျန်းမာရေး မကောင်းသောကြားမှာ အီးမေလ်းဖြင့် ထောက်ခံအကြံပေးခြင်းများသည် စာနယ်ဇင်း လောက အတွက် အားတစ်ရပ်ဖြစ်စေကြောင်း”  မြန်မာနိုင်ငံ စာနယ်ဇင်းကောင်စီ(ယာယီ) ၊ စီမံရေးနှင့် ဘဏ္ဍာရေးကော်မတီ တာဝန်ခံ ဦးသောင်းစုငြိမ်းက သူ၏ ဖေ့စ်ဘွတ် စာမျက်နှာတွင် ရေးသားထားသည်။

ဆရာမောင်ဝံသ ကွယ်လွန်သွားခြင်းနှင့် ပတ်သက်ပြီး  ပြည်သူ့ခေတ် သတင်းဂျာနယ် မှ အတိုင်ပင်ခံ အယ်ဒီတာ ဆရာ ဖေမြင့် က " ၀ါရင့်သတင်းစာ ဆရာတစ်ယောက်လည်းဖြစ်တယ် ။ လက်ရှိအချိန်ထိလည်း စာနယ်ဇင်း
ကောင်စီမှာ ဦးဆောင်လုပ်တယ်။ ရှေးတုန်းကရော အခုထိ စာနယ်ဇင်းလောကအတွက် လုပ်ဆောင်ပေးခဲ့တဲ့ သတင်းစာ ဆရာတစ်ယောက် ကွယ်လွန်တာဟာ သတင်းလောက ရဲ့ ဆုံးရှူံးမှုကြီးတစ်ခုပါပဲ " ဟု ပြောသည်။

သတင်းစာဆရာ မောင်ဝံသသည် အသက် ၆၉ နှစ်အရွယ်တွင် ကွယ်လွန်သွားခဲ့ခြင်း ဖြစ်သည်။ ၂၀၁၂ ခုနှစ် အထိ စာအုပ်ပေါင်း ၆၂ အုပ် ရေးသား ထုတ်ဝေခဲ့ပြီး သတင်းစာ သင်တန်းများ ကိုလည်း ဖွင့်လှစ်ပေးခဲ့သူ ဖြစ်သည်။

ကိုယ်ရေး မှတ်တမ်း

အမည်ရင်း ဦးစိုးသိမ်း ဖြစ်ပြီး ၁၉၄၅ ခုနှစ် ဧပြီလ ၁၇ ရက်နေ့တွင် ပဲခူးတိုင်း၊ ဝေါမြို့နယ်၊ မြစ်ကျိုးရွာတွင် အဖ ဦးမောင်ခင်၊ အမိ ဒေါ်မြစိန်တို့မှ ဖွားမြင်သည်။ မြစ်ကျိုးရွာတွင် မူလတန်း၊ ပဲခူးမြို့ အမျိုးသားတန်းမြင့်ကျောင်း (ယခု အ.ထ.က ၃) တွင် ဆယ်တန်းအထိ ပညာသင်ကြားခဲ့သည်။ ရန်ကုန်တက္ကသိုလ်မှ ၀ိဇ္ဇာဘွဲ့ (မြန်မာ၊ အင်္ဂလိပ်၊
ဘောဂဗေဒ၊ အနောက်တိုင်းသမိုင်း၊ ဒဿနိကဗေဒ ဘာသာတွဲဖြင့်) ၁၉၆၇ ၌ အောင်မြင်သည်။

၁၉၆၇ တွင် ပြန်ကြားရေးဝန်ကြီးဌာန၊ သတင်းစာပညာသင်တန်း ကျောင်း၊ ပထမပတ် သင်တန်းမှ သင်တန်း ဆင်းခဲ့
သည်။ အသက်မွေး ၀မ်းကျောင်း သတင်းစာပညာ ဖဲလိုးရှစ် (Professional Journalism Fellowship)၊ မစ်ရှီဂန်
တက္ကသိုလ်၊ အမေရိကန်နိုင်ငံ (၁၉၇၇)၊ ရေဂင်-ဖာ့ဆဲလ် (Reagan-Fascell Democracy Fellowship) ဒီမိုကရေစီ ဖဲလိုးရှစ်၊ ၀ါရှင်တန်ဒီစီ၊ အမေရိကန်နိုင်ငံ (၂၀၁၀-၂၀၁၁) တို့ ရရှိခဲ့သည်။

ဆောင်ရွက်ခဲ့သည့် သတင်းစာ ၊ ဂျာနယ်များ

လုပ်သားပြည်သူ့နေ့စဉ်သတင်းစာ အယ်ဒီတာအဖွဲ့ဝင် (၁၉၆၅-၁၉၇၀) ဖြစ်ပြီး မြန်မာ့အလင်း သတင်းစာ စီနီယာ
အယ်ဒီတာ (၁၉၇၀-၁၉၇၈)၊ ဟံသာဝတီသတင်းစာ၊ ခေါင်းကြီး၊ ဆောင်းပါး အယ်ဒီတာ (၁၉၇၈)၊ ဗိုလ်တထောင် သတင်းစာ သတင်းအယ်ဒီတာ (၁၉၇၈-၁၉၈၈)၊ ဒေါင်းစာပေ တည်ထောင်သူနှင့် အုပ်ချုပ်သူ (၁၉၇၃ မှ ယနေ့
အထိ)၊ “အတွေးအမြင်” မဂ္ဂဇင်း တည်ထောင်သူနှင့် စီစဉ်သူ (၁၉၈၄ မှ ယနေ့အထိ)၊ “သတင်းထူး ဂျာနယ်၊ “ဘက်စုံဂျာနယ်” ထုတ်ဝေသူ၊ အယ်ဒီတာ (၁၉၈၈)၊ “တော်ဝင်ဂျာနယ်” အယ်ဒီတာ (၁၉၉၄-၉၅)၊ “ပြည်သူ့ခေတ်
ဂျာနယ်”ထုတ်ဝေသူ၊ အယ်ဒီတာ (၂၀၁၀ မှ ယနေ့အထိ) လုပ်ကိုင်ခဲ့သည်။

နိုင်ငံရေး ၊ လူမှုရေး ဆောင်ရွက်ချက်များ

နိုင်ငံရေး လူမှုရေး ဆောင်ရွက်ချက်များအနေဖြင့် ပဲခူးခရိုင် ကျောင်းသားသမဂ္ဂ၊ ရန်ကုန်တက္ကသိုလ် ဗုဒ္ဓဘာသာ
အသင်းကြီး အမှုဆောင် (၁၉၆၁-၆၂)။ ပြည်ကျောင်းဆောင်၊ တကောင်း ကျောင်းဆောင်၊ ပင်းယ ကျောင်းဆောင် သဟာယနှင့် စာဖတ်အသင်းများနှင့် ရန်ကုန်တက္ကသိုလ် ကျောင်းသားညီညွတ်ရေးတပ်ဦး၊ ကျောင်းသား အခွင့်အရေး ကာကွယ်မှု ကော်မတီ အစရှိသော ကျောင်းသား အဖွဲ့အစည်းများတွင် ပါဝင် ဆောင်ရွက်ခဲ့သည်။

အထက်တန်းကျောင်းသားဘ၀ကတည်းက ကျောင်းမဂ္ဂဇင်းနှင့် စာနယ်ဇင်းအချို့တွင် ကလောင်သွေးခဲ့သည်။ ၁၉၆၂-၆၃ တွင် အထောက်တော်သတင်းစာ၏ တက္ကသိုလ် သတင်းထောက်အဖြစ် လုပ်ကိုင်ပြီး ရန်ကုန်တက္ကသိုလ် သတင်းထောက်အသင်း ဒုဥက္ကဋ္ဌ အဖြစ် ဆောင်ရွက်သည်။

၁၉၇၃ တွင် ဒေါက်တာဟင်နရီ ကစ်ဆင်းဂျား နိုင်ငံရေး အတ္ထုပ္ပတ်္တိ စာအုပ်ကို ရေးသားထုတ်ဝေခြင်းဖြင့် လုံးချင်း
စာအုပ်နယ်ပယ်သို့ စတင် ၀င်ရောက်သည်။ ထိုနှစ်မှစ၍ ဒေါင်းစာပေကို စတင် တည်ထောင်သည်။ နိုင်ငံရေး အတ္ထုပ္ပတ်္တိစာအုပ်များ ဆက်တိုက် ရေးသားခဲ့သည်။

နိုင်ငံရေး ဆောင်ရွက်ချက်များ

၁၉၈၈ ခုနှစ်  ရှစ် လေးလုံး အရေးတော်ပုံကြီးတွင် သတင်းစာတိုက်ပေါင်းစုံ သပိတ် ကော်မတီကို ဦးဆောင်သူ
တစ်ဦးအဖြစ် ပါဝင်ခဲ့သဖြင့် ဗိုလ်တထောင် သတင်းစာတိုက် အယ်ဒီတာအဖြစ်မှ အငြိမ်းစားပေးခြင်း ခံခဲ့ရသည်။ ထို့နောက် ၁၉၈၈ မှ ၂၀၀၁ အထိ နိုင်ငံရေးနယ်သို့ ရောက်ရှိသွားကာ စာပေနယ်နှင့် ကင်းကွာ ခဲ့သည်။ ဟံသာဝတီ ဦးဝင်းတင်ကို အကြောင်းပြု၍ အမျိုးသား ဒီမိုကရေစီ အဖွဲ့ချုပ်သို့ ၀င်ရောက်ပြီး ပဲခူးတိုင်း စည်းရုံးရေး အဖွဲ့ဝင်၊ ဗဟို
ဦးစီး အဖွဲ့ဝင်၊ ဗဟိုအလုပ်အမှုဆောင် အဖွဲ့ဝင်အဖြစ် အဆင့်ဆင့် တာဝန်များကို ထမ်းဆောင်ခဲ့သည်။ ၁၉၉၀
ပြည့်နှစ် ရွေးကောက်ပွဲတွင် ဝေါမြို့နယ် အမှတ် ၂ မဲဆန္ဒနယ်မှ ပြည်သူ့လွှတ်တော် ကိုယ်စားလှယ်အဖြစ်
ရွေးကောက်တင်မြှောက်ခြင်း ခံခဲ့ရသည်။ နိုင်ငံရေးတွင် ပါဝင် ဆောင်ရွက်ခဲ့စဉ်အတွင်း ၁၉၈၉၊ ဇူလိုင် ၂၀ ရက်မှ ၁၉၉၀၊ ဧပြီ ၂၄ အထိ ပုဒ်မ ၁၀(က) ဖြင့် တစ်ကြိမ် အင်းစိန်ထောင်တွင် ထိန်းသိမ်းခံရပြီး ၁၉၉၀၊ အောက်တိုဘာ ၂၃ တွင် ပြန်လည် အဖမ်းခံရသည်။ ဤတစ်ကြိမ်တွင် စစ်ခုံရုံးမှ ထောင်ဒဏ် ၇ နှစ် ချမှတ်လိုက်သော်လည်း ဗိုလ်ချုပ်မှူးကြီး စောမောင်နှင့် ဗိုလ်ချုပ်မှူးကြီး သန်းရွှေ အာဏာ အပြောင်းအလဲကြောင့် ၁၉၉၂၊ ဧပြီ ၂၉ တွင်
ပြန်လည် လွတ်မြောက်ခဲ့သည်။ ဒေါ်အောင်ဆန်း စုကြည် ၁၉၉၅၊ ဇူလိုင်လတွင် နေအိမ်အကျယ်ချုပ်မှ ပထမအကြိမ်
ပြန်လည် လွတ်မြောက် လာပြီးနောက် ၀န်းရံကူညီပေးမှုကြောင့်ဟုဆိုကာ ၁၉၉၆၊ မေလ ၂၁ ရက်မှ ၂၀၀၁၊ ဇွန်လ ၁၃ ရက်အထိ ပုဒ်မ ၁၀(က)ဖြင့် အင်းစိန်ထောင်တွင် ထိန်းသိမ်းခြင်း ခံခဲ့ရသည်။

သတင်းစာ နယ်ပယ်တွင် ဆောင်ရွက်မှုများ

၂၀၀၁ ဇူလိုင်လမှစ၍ စာပေနယ်သို့ ပြန်ရောက်ကာမဂ္ဂဇင်း၊ ဂျာနယ်များတွင် ဆောင်းပါး၊ ၀တ္ထုနှင့် နိုင်ငံတကာ
ရေးရာ ဝေဖန်ချက်များ ရေးသားလျက် ရှိပါသည်။ မိမိအပေါ် ကျေးဇူးတရားကြီးမားခဲ့သော သတင်းစာလောက
အား ကျေးဇူးဆပ်သည့် အနေဖြင့် စာနယ်ဇင်းသမား မျိုးဆက်သစ်များအတွက် အထောက်အကူ ဖြစ်စေရန် “သတင်းစာပညာ သဘောတရားနှင့် လက်တွေ့”ကျမ်းကို ရေးသားပြုစုပြီး

၂၀၀၅ ခုတွင် ပုံနှိပ်ထုတ်ဝေရာ သုတစွယ်စုံ စာပေဆု ရရှိခဲ့သည်။ ၂၀၀၇ ခုနှစ်တွင် ထုတ်ဝေသော “အတ္ထုပ္ပတ်္တိ အဘိဓာန်” စာအုပ်ဖြင့် ထွန်းဖောင်ဒေးရှင်း စာပေဆုကို ရရှိခဲ့သည်။ ၂၀၁၀ တွင် ထုတ်ဝေခဲ့သော “ရှာမှ ရှားတဲ့
နိုင်ငံရေးသမားနှင့် နိုင်ငံရေးဆောင်းပါးများ” စာအုပ်ဖြင့် ၂၀၁၁ ခု သုတစွယ်စုံစာပေဆု ရရှိခဲ့သည်။ ၂၀၁၂ ခုတွင် ထုတ်ဝေသော “ခေတ်မီ နိုင်ငံရေးဝေါဟာရ အဘိဓာန်” စာအုပ်ဖြင့် ထွန်းဖောင်ဒေးရှင်း စာပေဆု ရရှိသည်။ စာပေ
သက်တမ်းအတွင်း ၂၀၁၂ ခုနှစ်အထိ စာအုပ် ၆၂ အုပ် ရေးသား ထုတ်ဝေပြီး ဖြစ်သည်။

၂၀၁၁ နှင့် ၂၀၁၂ ခုနှစ်များအတွက် အမျိုးသားစာပေဆု စိစစ် ရွေးချယ်ရေး အဖွဲ့ဝင် အဖြစ် ဆောင်ရွက်ခဲ့သည်။ ၂၀၁၁ ခုနှစ်အတွက် အမျိုးသားသတင်းဆု ကော်မတီ ဥက္ကဋ္ဌအဖြစ် ဆောင်ရွက်ခဲ့သည်။

နိုင်ငံရေးအကျဉ်းသားဟောင်းများနှင့် လက်ရှိနိုင်ငံရေးအကျဉ်းသားများအား ကူညီ ထောက်ပံ့ရန် ဟံသာဝတီ ဦးဝင်းတင် ဖောင်ဒေးရှင်းကို တည်ထောင်ရေးအတွက် ၂၀၁၂ မတ်လတွင် စတင်လှုံ့ဆော် အကောင်အထည်
ဖော်ခဲ့ပြီး ကိုယ်တိုင်လည်း ဘဏ္ဍာထိန်းတစ်ဦး အဖြစ် ဆောင်ရွက် လျက်ရှိသည်။

၂၀၁၂ ခု သြဂုတ်လတွင် နှစ် ၅၀ အတွင်း ပထမဦးဆုံးအကြိမ် မြန်မာနိုင်ငံလုံးဆိုင်ရာ သတင်းစာဆရာများ ညီလာခံမှ
ရွေးကောက်တင်မြှောက်၍ မြန်မာနိုင်ငံ သတင်းစာ ဆရာအသင်း (Myanmar Journalists Association-MJA) ၏ ဥက္ကဋ္ဌအဖြစ် တာဝန် ထမ်းဆောင်လျက် ရှိသည်။ ၂၀၁၂ ခု စက်တင်ဘာလတွင် မြန်မာနိုင်ငံ စာနယ်ဇင်းကောင်စီ (ယာယီ)ကို ဖွဲ့စည်းရာ ဒုတိယဥက္ကဋ္ဌအဖြစ် ရွေးချယ်ခြင်း ခံရသည်။
 
stimgesafsdafsrs
pp
HLs

ကြော်ငြာ

Confronting-Democratic-Modernity-in-Military-ruled-Burma-1s
rogue-agent-announcement

Who is Online

We have 27 guests online