www.padamyarfm.com
www.padamyarfm.com
http://goo.glhdUIvl
ဗုဒ္ဓဟူး, ၂၁ သြဂုတ် ၂၀၁၉

Mizzima Burmese

သတိမေ့အောင်လုပ်ပြီး ၄၇ သိန်းတန်ဖိုးရှိ လက်ဝတ်ရတနာများ လုယူခဲ့သူကို ဖမ်းမိပြီ

အီးမေးလ်ပို့ရန် ပရင့်ထုတ်ရန် PDF ဖိုင်ရယူရန်

သန်လျင်မြို့နယ်တွင် ဖြစ်ပွားခဲ့သည့် အမျိုးသမီးတစ်ဦးထံမှ ၄၇ သိန်းတန်ဘိုးရှိ လက်ဝတ်ရတနာများ လုယူခဲ့သူကို ဖမ်းဆီးရမိပြီဖြစ်ကြောင်း သန်လျင်ရဲစခန်းက အောက်တိုဘာ ၂၂ ရက်က မဇ္ဈိမသို့ ပြောကြားလိုက်သည်။

အဆိုပါ ရဲစခန်းမှ ဒု-ရဲအုပ် အောင်ဇော်မိုးက “လုယက်မှုကျူးလွန်သူကို ဒီမနက် ၅ နာရီမှာ သက်သေခံ ပစ္စည်းတွေနဲ့ အတူ ဖမ်းဆီးရမိခဲ့ပါတယ်၊ ဆက်လက်ပြီး စစ်ဆေးနေပါတယ်” ဟု ပြောခဲ့သည်။

အဆိုပါ ဖမ်းဆီးမိသူမှာ ယခင်ကလည်း ပြစ်ချက်ဟောင်းများရှိသည့်အပြင် ခိုးမှုဖြင့် ထောင်ကျနေရာမှ ထွက်ပြေး လွတ်မြောက်လာသူတစ်ဦးဖြစ်သည်ကို ရဲစခန်းက စစ်ဆေးတွေ့ရှိခဲ့သည်ဟု ဆိုသည်။

အဆိုပါ လုယက်မှုကိုလည်း တောင်ဥက္ကလာပမြို့နယ် (၁၄/၁)ရပ်ကွက်၊ မေတ္တာ(၃)လမ်း၊ အမှတ် (၃၀/၁)နေ မခင်ရီ (၄၄)နှစ်က အမှုဖွင့်တိုင်တန်းထားခြင်းဖြစ်သည်။

အောက်တိုဘာ ၂၁ ရက် နံနက် ၁၁ နာရီက သူမထံသို့ လွန်ခဲ့သော တစ်နှစ်ခန့်က ရင်းနှီးခဲ့သူ ဟန်မင်းထွန်း သန်လျင်မြို့နယ်နေသူက ရွှေထည်ပစ္စည်းများ ရောင်းရန်ရှိသဖြင့် ဖုန်းဆက်ချိန်းဆိုခဲ့သည်ဟု တိုင်း ရဲတပ်ဖွဲ့မှူးရုံး၏ မှုခင်းမှတ်တမ်းတွင်လည်း ဖော်ပြထားသည်။

ချိန်းဆိုမှုကြောင့် သန်လျင်သို့ သွားရောက်ခဲ့ပြီး မွန်းလွဲ ၂ နာရီခွဲအချိန်တွင် ကျိုက်ခေါက် ဘုရားမြောက် ဘက်မုခ်
စောင်းတန်းအောက်တွင် ထိုင်၍ ဈေးစကားပြောရာ အရောင်းအ၀ယ်မဖြစ်ခဲ့ကြောင်းလည်း တိုင်တန်းသူက ဆိုထားသည်။

ထို့နောက် ညနေ ၄ နာရီ ၅၀ မိနစ်အချိန် နေအိမ်သို့ ပြန်ရန်ပြင်စဉ် မြောက်ဘက်မုခ်လမ်းကြားတွင် တွန်းလှဲပြီး မည်သည့်အရာဖြင့် ပြုလုပ်လိုက်သည်ကို မသိရှိဘဲ သတိမေ့သွားခဲ့သည်ဟုလည်း ရဲထံတွင် ထွက်ဆိုထားသည်။

သတိပြန်ရချိန်တွင် လည်ပင်းပွန်းပဲ့၊ နှာခေါင်းသွေး ထွက်ဒဏ်ရာများ ရရှိခဲ့ပြီး သူမ၀တ်ဆင်ထားသည့် လက်ကောက် ခုနစ်ကွင်း၊ လော့ကပ်သီးပါ ဆွဲကြိုးတစ်ကုံး၊ စိန်လက်စွပ်တစ်ကွင်း၊ ငွေကျပ် ကိုးသောင်းပါ ပိုက်ဆံအိတ် တစ်ခု၊ လက်ကိုင်ဖုန်းတစ်လုံး စုစုပေါင်းတန်းဘိုး ကျပ် ၄၇၉၀,၀၀၀မှာ ပျောက်ဆုံးခဲ့ခြင်းဖြစ် သည်။

ထို့ကြောင့် ၎င်းအား သန်လျင်ရဲစခန်းက (ပ)၉၇၃/၂၀၁၃ဖြင့် အမှုဖွင့်ပြီး ပုဒ်မ ၃၉၂ ဖြင့် အရေးယူရန် ရှာဖွေဖမ်းဆီး ခဲ့ခြင်းလည်း ဖြစ်သည်။ လက်ရှိ စစ်ဆေးချက်များအရ လုယက်မှုဖြင့် သံသယရှိ ဖမ်းဆီးရမိထားသူသည် ရဲဘက်ပြေး တစ်ဦးဖြစ်ကြောင်း ထပ်မံပေါ်ပေါက်ခဲ့သဖြင့် ပုဒ်မ ၂၂၄ အမှုဖွင့် အရေးယူသွားမည်ဟုလည်း ရဲစခန်းမှ ဒု-ရဲအုပ်
အောင်ဇော်မိုးက ပြောပြခဲ့သည်။
 

နောက်ဆုံးသတင်းများ

  1. ယခုနှစ်အတွင်း မန္တလေးတိုင်းဒေသကြီး(တောင်ပိုင်း)တွင် မူးယစ်ဆေးဝါးအမှု တစ်ရာကျော် အရေးယူနိုင်ခဲ့ဟုဆို
  2. ဇနီးဖြစ်သူနှင့် စကားများပြီး ယောက်ျားတစ်ဦး ဆွဲကြိုးချသတ်သေမှု ထပ်ဖြစ်
  3. ချစ်သူမိန်းကလေး၏ ဘောင်းဘီကို သော့ခတ်သည့် ယောက်ျားဖမ်းဆီးခံရ
  4. အမျိုးသမီးတစ်ဦးကို အိမ်ထဲဝင်သတ်ပြီး ပစ္စည်းလုယက်သူကို ဖမ်းမိ
  5. ထိုင်ဝမ်ပန်းချီဆရာ Chung Aik Hust ၏တစ်ကိုယ်တော်ပြပွဲကို ရန်ကုန်တွင်ပထမဆုံးအကြိမ်ကျင်းပမည်
  6. စင်ကာပူတွင်ကျင်းပမည့် “လက်ပံ” ဇာတ်ကားပြပွဲသို့ ဒါရိုက်တာနှင့်အတူ ပါဝင်သရုပ်ဆောင်သည့် အနုပညာရှင်များတက်ရောက်မည်
  7. ကိုရီးယားရုပ်ရှင်ပွဲတော်သို့ တက်ရောက်လာသည့်မင်းသား ကင်ဒုံဝန်က ဒေါ်အောင်ဆန်းစုကြည်နှင့် တွေ့ဆုံလိုကြောင်းပြောကြား