ထူးမခြားနား အပြောင်းအလဲ

ပရင့်ထုတ်ရန်

ဘန်ကောက် (မဇ္ဖျိမ)။ ။ မြန်မာပြည်တွင်း မဝင်နိုင်သော ရွေးကောက်ပွဲ စောင့်ကြည့်သူများ နိုဝင်ဘာ ၇  ရက်က ထိုင်းနိုင်ငံခြားသား သတင်းထောက်များ ကလပ်တွင် စုပြုံနေခြင်းက  မြန်မာရွေးကောက်ပွဲအပေါ် နိုင်ငံတကာ အသိုင်းအဝိုင်း၏ တုံ့ပြန်ချက်ကို ပြနေတော့သည်။

နိုင်ငံတကာ လေ့လာစောင့်ကြည့်သူများ၊ သတင်းထောက်များ၊ သံတမန်များ၊ လူ့အခွင့်အရေး မြှင့်တင်သူများနှင့် နိုင်ငံရေးသဘောထားမျိုးစုံရှိသူများအပေါ် စစ်အုပ်စု ကန့်သတ်ချက်များအရ “မောင်တို့မလာနိုင်” ဖြစ်နေကြရသည်။  ရွေးကောက်ပွဲအပေါ် သူတို့ ယေဘုယျသဘောတူညီချက်က “စောင့်မျှော်ကြည့်ရှုသည်၊ သို့သော် အများကြီး ပြောင်းမည် မမျှော်နှင့်” ဟူ၏။

လွတ်လပ်မျှတသော ရွေးကောက်ပွဲတခု ဖြစ်ခဲ့ပါသလားဟု နိုင်ငံခြားသား သတင်းထောက်များအသင်း ဥက္ကဋ္ဌ မာဝမ် မကန်မာကာ ကို ပထမဆုံးမေးခဲ့ပါသည်။

“ဘယ်ရွေးကောက်ပွဲမဆို တခုမျှော်လင့်ရတာက ရွေးကောက်ပွဲနေ့မှာ ဘာတွေ့တယ်ဆိုတာကို စောင့်ကြည့်အစီရင်ခံဖို့ တိုင်းပြည်တပြည်ဟာ သတင်းသမားတွေကို ခွင့်ပြုရပါတယ်၊  မြန်မာအစိုးရဟာ ဒီရွေးကောက်ပွဲ ဖြစ်စဉ်တွေရဲ့ တရားမျှတမှုနဲ့ ပွင့်လင်းမြင်သာမှုအပေါ် တက်လာမယ့် မေးခွန်းတွေအတွက် နိုင်ငံတကာ သတင်းထောက်တွေကို တားဆီးပိတ်ဆို့ခဲ့ပါတယ်”

“နိုင်ငံခြားသား သတင်းထောက်တွေ ပြည်ဝင်ခွင့် မရကြပါဘူး။ သူတို့တွေ အထဲသွားဖို့ ခရီးသွား ဗီဇာတွေပဲ ရခဲ့ကြပါတယ်။ အဲလို ကမ္ဘာလှည့် ခရီးသွားပုံစံနဲ့ သွားတဲ့ နိုင်ငံခြားသား သတင်းထောက် ၂ ယောက်၊ ၃ ယောက်လဲ ပြန်မောင်းထုတ်ခံရပါတယ်” ဟုလည်း ဆိုသည်။

လွတ်လပ်သော ရွေးကောက်ပွဲများ စောင့်ကြည့်ရေး အာရှကွန်ယက်က မြန်မာ့အရေး လေ့လာသူ ထိုင်းလူမျိုး ခွန်စွန်စရီ ဟာနာနုတာဆက်က ရန်ကုန်မှနေ၍ တယ်လီဖုန်းဖြင့် ဗြောင်ကျကျ ပြောသည်က “ဒီရွေးကောက်ပွဲက ဟာသတခုပဲ မှုတ်လား။ ဒီအကြောင်း ပါတီတွေနဲ့ ကိုယ်စားလှယ်တွေ နားရောလည်ကြရဲ့လား” ဟု ဆိုသည်။

ရွေးကောက်ပွဲအတွက် မြန်မာပြည်မပြန်ခင် ကြာသပတေးနေ့ ညနေခင်းကလည်း မြန်မာပြည်ဆိုင်ရာ ဗြိတိန်သံအမတ်ကြီး အင်ဒရူးဟိန်းကို နိုင်ငံခြားသား သတင်းထောက်များကလပ်တွင် တွေ့ခဲ့ရသေးသည်။  နိုဝင်ဘာ ၇  ရက် နေ့လယ် ၃ နာရီခွဲခန့်က မဲရုံမပိတ်ခင်တွင် သူနှင့် တယ်လီဖုန်း အင်တာဗျူးလုပ်ခွင့် ရခဲ့သည်။  လူများ မဲသွားပေးသည်ကို မြင်ရသည်မှာ ဟုတ်သလိုလိုရှိသော်လည်း လုပ်ရိုးလုပ်စဉ်ပမာ မတက်ကြွဘဲ လက်လျှော့အရှုံးပေးနေသလို မြင်ရကြောင်း သူက ပြောသည်။

အစီရင်ခံစာများအရ မဲလက်မှတ်များတွင် တဦးချင်းနံပါတ်များ တပ်ထားပြီး ထိုအတွက် လမ်းစရှာလိုက်နိုင်ကာ မဲမှားပေးမိလျှင် လက်စားချေခံရမည်ကို ကြောက်နေကြသည်လည်း ဆိုသည်။

ချိုးဖောက်မှုများနှင့် အကြောက်တရား ပေါ်လွင်သည့် လက္ခဏာများ ရှိမရှိ မေးမြန်းရာတွင် “အခုထက်ထိတော့ အဲလိုဟာမျိုး မရှိခဲ့ပါဘူး။ ဒါပေမဲ့ အလုပ်ပြီးသွားသလို ခံစားနေကြတာတော့ ရှိပါတယ်” ဟု ဆိုသည်။

လူ့အခွင့်အရေး လေ့လာစောင့်ကြည့်ရေးအဖွဲ့ အာရှတိုက်ခွဲမှ မြန်မာပြည် အကြီးတန်း သုတေသနမှူး ဒေးဗစ် မသီဆန်ကိုလည်း ရွေးကောက်ပွဲနောက်ပိုင်း ဆက်လက်အရေးယူပိတ်ဆို့မှုနှင့် ပတ်သက်၍ နိုင်ငံခြားသား သတင်းထောက်များအသင်းတွင် မေးမြန်းခွင့် ရရှိခဲ့သည်။

မြန်မာစစ်အုပ်စုကို အာရှနှင့် အခြားနိုင်ငံများ ပူးပေါင်းမှု အကျိုးဆက်ကို စဉ်းစားရင်း  ဒေးဗစ်မသီဆန်က  ဤအရေးယူပိတ်ဆို့မှုများသည် ပစ်မှတ် (အထူးသဖြင့် စစ်အုပ်စုခေါင်းဆောင်များ၏ ငွေကြေးပိုင်ဆိုင်မှု စာရင်းနှင့် လက်နက်ဝယ်ယူမှုများ)  ပိုတိတိကျကျရှိရမည်၊ သေချာ သုတေသနပြု စဉ်းစားရမည်။ သို့မှသာ ပိတ်ဆို့မှုကို မလိုလားသော နိုင်ငံများ ပိုလက်ခံလာမည်ဟု ဆိုသည်။

မြန်မာပြည် လူမှုအခြေအနေများနှင့် ပတ်သက်၍ အစိုးရမဟုတ်သော အဖွဲ့အစည်းများကို ရန်ပုံငွေ ပိုတိုးပေးရမည်၊ လူထုအနေဖြင့် မြန်မာပြည်ထဲ၌  အစိုးရမဟုတ်သည့် အဖွဲ့များ ရင်ဆိုင်နေရသော အခက်အခဲများကို နားလည်ဖို့လိုသည် ဆိုသည်။

အထူးသဖြင့် “မြန်မာပြည်သားတွေကို စွမ်းရည်မြှင့်တင်ပေးတဲ့ အစီအစဉ်မျိုးတွေကို ပိုအာရုံစိုက်ရမယ်။ ပြီးတော့ စစ်အုပ်စုအနေနဲ့လဲ အန္တရာယ်မရှိဘူး ဆုံးဖြတ်ထားရင် ဒီအစီအစဉ်တွေကို ခွင့်ပြုမှာပါ” ဟု ဆိုသည်။

နိုဝင်ဘာ ၇  ရက်က  နိုင်ငံခြားသတင်းထောက်များ အသင်းတွင် ပြုလုပ်သည့် အစီအစဉ် ဧည့်ခံသူ ထိုင်း၊ မြန်မာ၊ လာအို၊ ကမ္ဘောဒီးယား နိုင်ငံများဆိုင်ရာ ကနေဒါသံအမတ်ကြီး ရွန်ဟော့ဖ်မန်းက မြန်မာပြည်တွင် အကောင်းဘက်က ပြောင်းလဲရေးအတွက် ခိုင်မာသည့် သက်သေများ ပေါ်မလာလျှင် ကနေဒါက မြန်မာပြည်ပေါ်တွင် တင်းမာစွာ ဆက်လက်ချဉ်းကပ်သွားမည်ဟု  ပြောသည်။

နိုင်ငံတကာ လူ့အဖွဲ့အစည်းအနေဖြင့် မြန်မာ့ဒီမိုကရေစီ အတိုက်အခံများ ကိုင်ဆွဲထားသည့် သပိတ်မှောက်ခြင်းနှင့် အစိုးရသစ်ကို ဝေဖန်မှုဖြင့် ပူးပေါင်းခြင်း ဆိုသည့် “လမ်းကြောင်း နှစ်ကြောင်း” လုံးကို ခွဲခြားမနေဘဲ ဆက်လက် လက်ခံထားသင့်သည်ဟု ဟိန်းနှင့် ဟော့ဖ်မန်းတို့က ဆိုသည်။