www.padamyarfm.com
www.padamyarfm.com
http://goo.glhdUIvl
ဗုဒ္ဓဟူး, ၂၃ မေ ၂၀၁၈

Mizzima Burmese

Home > အာဘော်နှင့်အမြင် > ဆောင်းပါး > မြန်မာနိုင်ငံမှာ အာဏာသိမ်းဖို့ အခွင့်အရေး ဘယ်လောက်များသလဲ

မြန်မာနိုင်ငံမှာ အာဏာသိမ်းဖို့ အခွင့်အရေး ဘယ်လောက်များသလဲ

အီးမေးလ်ပို့ရန် ပရင့်ထုတ်ရန် PDF ဖိုင်ရယူရန်

ဒီနေ့ အချိန်အခါမှာ မြန်မာပြည်အပေါ် လေ့လာစောင့်ကြည့်သူတွေ ဆုံမိတဲ့အချိန်တိုင်း ဆွေးနွေးဖြစ်တဲ့ ခေါင်းစဉ် တစ်ခုကတော့ စစ်တပ်ကနေ နောက်တစ်ကြိမ် အာဏာသိမ်းမယ့်အလားအလာ ရှိမရှိဆိုတဲ့ ကိစ္စပါပဲ။ လေ့လာ သုံးသပ်သူ အချို့ကတော့ နောက်ငါးနှစ်အတွင်းမှာ အာဏာသိမ်းဖို့ ဖြစ်နိုင်ချေ အရှိဆုံးက ၂၀ ရာခိုင်နှုန်းပဲ ရှိပါတယ် တဲ့။ အချို့ကတော့ ဒီထက်တောင်နည်းတယ်လို့ ဆိုကြပါတယ်။ လေ့လာသုံးသပ်သူ အနည်းငယ်ကတော့ မြန်မာနိုင်ငံ ဟာ စစ်တပ်ရဲ့ထိန်းချုပ်မှုအောက်မှာ လုံးလုံးလျားလျားဆိုသလို ကျရောက်နေတဲ့အတွက် အာဏာသိမ်းပါ့မလား ဆိုတဲ့ မေးခွန်းကို မေးစရာမလိုဘူးလို့ဆိုပါတယ်။

မျှော်လင့်ထားတာတွေနဲ့ ပြောင်းပြန်ဖြစ်သွားစေတဲ့ သမ္မတဦးသိန်းစိန်ရဲ့ ပြုပြင်ပြောင်းလဲရေးလုပ်ငန်းစဉ်က သူ့ဟာ သူ အရှိန်ရခဲ့ပါပြီ။ စစ်မှန်တဲ့ အပြောင်းအလဲအတွက်လည်း မျှော်လင့်လို့ရလာပါပြီ။ ဒီလိုအနေ အထားမှာတော့ ပြုပြင်
ပြောင်းလဲရေး လုပ်ငန်းစဉ်တွေနောက်ကြောင်း ပြန်လှည့်မလှည့်ဆိုတဲ့အပေါ်မှာ အမြင်နှစ်မျိုးကွဲသွားပါတယ်။ ၂၀၁၁ ခုနှစ်မတိုင်မီက အမှောင်နေ့ရက်တွေဆီကို မြန်မာပြည်ပြန်သွားဖို့ဆိုတာ မျိုးကိုတော့တွေ့မြင်ရဖို့ ခက်ခဲသွားပါပြီ။ သို့သော် အခြေအနေအချို့အရတော့ တပ်မတော်ကပိုပြီးတော့ တိုက်ရိုက်ထိန်းချုပ်နိုင်မယ့် အားထုတ်မှုတွေ
ခြေလှမ်းတွေကို ပြင်ဆင်လာနိုင်ပါတယ်။

အထက်မှာဆိုခဲ့တဲ့ အရေးကိစ္စကို နိုင်ငံတော်အဆင့်၊ ဖွဲ့စည်းပုံအဆင့်နဲ့ ပုဂ်္ဂိုလ်ရေး အဆင့်တွေမှာ သုံးသပ် ကြည့်နိုင်ပါတယ်။

နိုင်ငံတော်အဆင့်မှာ လက်နက်ကိုင်တပ်ဖွဲ့တွေက မြန်မာနိုင်ငံရဲ့ အချုပ်အခြာအာဏာပိုင်ဆိုင်မှု၊ စည်းလုံးမှုနှင့်
ပြည်တွင်းတည်ငြိမ်မှုကို တော်တော်လေးအလေးထား ဆောင်ရွက်ပါတယ်။ ဒီရည်မှန်းချက်တွေကို ယခင်အစိုးရ
ဟောင်းရဲ့ အမျိုးသားရေး ဦးတည်ချက်တွေမှာ ဖော်ပြထားခဲ့ပြီးတော့ ၂၀၀၈ ခုနှစ် ဖွဲ့စည်းပုံ အခြေခံဥပဒေမှာလည်း ထပ်မံဖော်ပြထားပါတယ်။ စစ်တပ်ခေါင်းဆောင်တွေက ဒီလိုအချက်တွေကို ခြိမ်း ခြောက်မယ့် ဘယ်လို အနေအထား မျိုးကိုမဆို တော်တော်လေးစိုးရိမ်နိုင်သလို လိုအပ်တဲ့ဝင်ရောက်စွက်ဖက်မှုတွေလည်း လုပ်ကောင်းလုပ်နိုင်ပါတယ်။

သမ္မတဦးသိန်းစိန်နဲ့ ၎င်းရဲ့ပြုပြင်ပြောင်းလဲရေးလမ်းစဉ်ကို နိုင်ငံတကာ အသိုင်းအ၀ိုင်းက ချီးမွှမ်းထောပ နာပြုခဲ့ပြီး
ဖြစ်တဲ့အတွက် ပြင်ပမှဝင်ရောက်စွက်ဖက်မယ်ဆိုတဲ့ အတွေးအခေါ်ဟာလည်း မှေးမှိန်သွားခဲ့ပါပြီ။ သို့သော်
နေပြည်တော်ရဲ့ အမိန့်အာဏာကို အသိမှတ်မပြုတဲ့ သို့မဟုတ် လိုလိုလားလားလက်ခံခြင်းမရှိတဲ့ လက်နက်ကိုင် တပ်ဖွဲ့ဝင်ပေါင်း ၁၀၀,၀၀၀ ကျော် ရှိနေတုန်း ပါပဲ။ အချို့က ဗဟိုအစိုးရကို စစ်ပွဲတွေ ဆင်နွဲနေပါတယ်။ ကျန်တာတွေ ကတော့ နယ်ခြား စပ်တပ်တွေအဖြစ် ဖွဲ့စည်းပြီး တပ်မတော်ရဲ့ နည်းပညာပိုင်းအရ ထိန်းချုပ်မှုအောက်ကို
ရောက်ရှိသွားပါတယ်။ ဒါပေမဲ့ သူတို့အပေါ်မှာ မှီခိုဖို့အတွက်သံသယဖြစ်နေ ရတုန်းပါပဲ။

ထို့အတူ အတိတ်ကာလတွေတုန်းကလို နိုင်ငံရေး၊ စီးပွားရေးနဲ့ လူမှုရေးဆိုင်ရာ အထွေထွေကိစ္စရပ်တွေကြောင့် လူထုအုံကြွမှုတွေ ရုတ်တရက် ဖြစ်ပေါ်လာနိုင်ပါတယ်။ နောက်ထပ် ဖြစ်နိုင်ခြေရှိတာကတော့ ဘာသာရေး အကြမ်းဖက်မှုတွေပါ။ ဦးသိန်းစိန်အနေနဲ့ တိုးမြင့်လာနေတဲ့ လူအများရဲ့ မျှော်လင့်ချက်ကို ပြည့်မီအောင် ဆောင်ရွက် မပေးနိုင်ခြင်းကလည်း ဆန္ဒပြမှုတွေနဲ့ ကြုံတွေ့ရစေနိုင်တဲ့ အချက်တစ်ချက်ပါ။ ဒေါ် အောင်ဆန်းစုကြည်ရဲ့ သမ္မတ
ဖြစ်ရေး ရည်မှန်းချက်ကို ပိတ်ပင်မယ်ဆိုရင်လည်း ပြည်တွင်းမှာရော နိုင်ငံတကာမှာပါ ကျယ်ကျယ်လောင်လောင်
ဝေဖန်လာကြမှာပါ။ ဒါဟာ တပ်မတော်ကို အတော်လေးထိတ် လန့်စေမယ့်အရာပါ။

ဖွဲ့စည်းပုံအဆင့်မှာတော့ မြန်မာ့တပ်မတော်သားတွေဟာ သူတို့ကို အမျိုးသားရေးမှာ သီးသန့်နေရာပေး ထားတာကို
ငြင်းပယ်မယ့် ကြိုးပမ်းမှုတွေအပေါ်မှာ စိုးရိမ်နိုင်ပါတယ်။ ဒါကို ဖွဲ့စည်းပုံအခြေခံဥပဒေမှာတင် ဖော်ပြထားတာ မဟုတ် ပါဘူး။ သမ္မတနဲ့ တပ်မတော်အကြီးအကဲတို့ကလည်း ဒီအချက်ကို မကြာသေးခင်က ထပ်မံအတည်ပြုခဲ့ပါတယ်။ စစ်တပ်အရာရှိအများစုဟာ မျိုးချစ်စိတ်ပြင်းထန်ပါတယ်။ နိုင်ငံတော်ကို ကာကွယ်စောင့်ရှောက်ဖို့ တာဝန်ရှိတဲ့ တပ်မတော်အနေနဲ့ လိုအပ်တယ်လို့ ယူဆပါက တိုင်းပြည်ကို ကယ်တင်ရန် ၀င်ရောက်စွက်ဖက်ရမယ်ဆိုတဲ့ သူတို့ရဲ့ အခန်းကဏ္ဍအပေါ်မှာ တော်တော်လေး အလေးအနက် ထားပါတယ်။

အကယ်၍ တပ်မတော်အနေနဲ့ အန္တရာယ် ကျရောက်နေပြီဆိုရင်လည်း ခေါင်းဆောင်ပိုင်းက အရေးယူ ဆောင်ရွက်မှု
တွေ ပြုလုပ်ကောင်း ပြုလုပ်နိုင်ပါတယ်။ ဥပမာ - ပါလီမန်က ကာကွယ်ရေးအသုံးစရိတ်ကို လျော့ချမယ် သို့မဟုတ် တပ်မတော်အတွက် ဘတ်ဂျတ်ဘဏ္ဍာငွေရရှိမယ့် အခွင့်အလမ်းတွေအပေါ်မှာ ပြင်းပြင်းထန်ထန် တင်းကြပ်မယ်ဆိုရင်
ပြဿနာတက်နိုင်ပါတယ်။ အထူးသဖြင့် တပ်မတော်အနေနဲ့ဖွဲ့ စည်းပုံအခြေခံဥပဒေကို ကာကွယ်စောင့်ရှောက်ရမယ့် ၎င်းရဲ့တာဝန်ကိုထမ်းဆောင်ဖို့ လိုအပ်တဲ့ အသုံး အဆောင်တွေနဲ့ တပ်မတော်သားတွေကို ငြင်းပယ်တယ်လို့ ခံစားရမှာကို စိုးရိမ်နိုင်ပါတယ်။

ပုဂ်္ဂိုလ်ရေးအဆင့်မှာတော့ တာဝန်ထမ်းဆောင်နေသူတော်တော်များများက ယခင်အစိုးရဟောင်းရဲ့ ဦးဆောင်မှု
အောက်မှာ ကျူးလွန်ခဲ့တဲ့ လူ့အခွင့်အရေး ချိုးဖောက်မှုတွေကို တရားစွဲဆိုခြင်းမှ ၎င်းတို့ကို ကာကွယ်ပေးထားပုံရတဲ့ ဖွဲ့စည်းပုံအခြေခံဥပဒေပါ အပိုဒ်ကို ဖယ်ရှားဖို့ ကြိုးစားချင်းကို သဘောတွေ့မှာ မဟုတ်ပါဘူး။ အကယ်၍ အတိုက်ခံ
နိုင်ငံရေးသမားတွေ သို့မဟုတ် နိုင်ငံတကာအသိုင်းအ၀ိုင်းက မြန်မာစစ်တပ်မှာ တာဝန်ထမ်းဆောင်ခဲ့သူတွေကို စစ်ရာဇ၀တ်မှုနဲ့ တရားစွဲဆိုဖို့ ပြန်လည် အားထုတ်လာမယ်ဆိုရင်လည်း ပြင်းပြင်းထန်ထန် ပြန်လည်တုံ့ပြန်နိုင်ပါတယ်။

ဖြစ်နိုင်ချေရှိတဲ့ အခြား လားရာတစ်ခု ကတော့ တပ်မတော်အတွင်းမှာရှိတဲ့ အုပ်စု တစ်စုက လက်ရှိဆောင်ရွက်နေ တဲ့ ပြုပြင် ပြောင်းလဲရေးလမ်းစဉ်ကို အရှိန်လျော့ဖို့ သို့မဟုတ် တဖြည်းဖြည်းနဲ့ ပျောက်ကွယ်သွားတော့မယ်လို့ ယူဆရတဲ့ အကျိုးခံစား ခွင့်တွေနဲ့ အခွင့်ထူးတွေကို ထိန်းသိမ်းဖို့ပါပဲ။ ယခုလိုသုံးသပ်မှုမျိုးက အငယ်တန်း အရာရှိ
တွေက မြန်မာ့လူမှု အသိုင်းအ၀ိုင်းကို ပြောင်း လဲဖို့ အဆိုပြုနေတဲ့ လက်ရှိအနေအထားက ၎င်းတို့ရဲ့ ခေါင်းဆောင်
ဟောင်းတွေ ရရှိခဲ့တဲ့ ပုဂ်္ဂိုလ်ရေးအောင်မြင်မှု အခွင့်အလမ်းမျိုး တွေရရှိဖို့ဆိုတာ ၎င်းတို့အတွက် မဖြစ်နိုင်ဘူး ဆိုတဲ့ အချက်အပေါ်မှာ ဘ၀ကျမှာ မဟုတ်ဘူးဆိုတဲ့ သာဓကမျိုးကို ထောက်ပြနေပါတယ်။

တပ်မတော်က ယခင်အတိတ်တုန်းက လိုမျိုး မဟုတ်တော့တဲ့အပြင် ၎င်းရဲ့ ၀င်ရောက်စွက်ဖက်မှုတွေကိုလည်း သိသိသာသာ ကန့် သတ်ထားနိုင်ပါပြီလို့ ပြောနေတာတွေလည်း ရှိပါတယ်။ အာဏာသိမ်းမှု ဖြစ်လာမယ် ဆိုရင်လည်း
ပြင်တွင်းပြည်ပ နှစ်နေရာစလုံးကနေ ပြင်းပြင်းထန်ထန် တုံ့ပြန်တာတွေကို ကြုံ တွေ့ရနိုင်ပါတယ်။ ထို့အတူ သမ္မတ ဦးသိန်းစိန်ရဲ့ ပြုပြင်ပြောင်းလဲရေးကိုလည်း အချို့အရာရှိတွေက ထောက်ခံနေပါတယ်။ ထို့ အပြင် ဗိုလ်ချုပ်တွေ အနေနဲ့ အာဏာသိမ်း ခြင်းကနေရမယ့် အကျိုးအမြတ်နဲ့ ဆိုးရွားတဲ့ စည်းကမ်းဖောက် ဖျက်မှုအခြေအနေတွေ
ဖြစ်စေနိုင်တာကိုလည်း ချိန်စဖို့လိုအပ်ပါတယ်။

ဘယ်လို အခြေအနေမျိုးမှာပဲဖြစ်ဖြစ် တပ်မတော်အနေနဲ့ အာဏာသိမ်းဖို့ တစ်ခုတည်းကို အားကိုးဖို့ မလိုပါဘူး။ သမ္မတနဲ့ တပ်မတော်အကြီးအကဲရဲ့ လုပ်ပိုင်ခွင့် အာဏာတွေအပေါ်မှာ ဆွေးနွေးငြင်းခုန်မှုအချို့ ရှိပါတယ်။ သို့သော် ၂၀၀၈ ဖွဲ့စည်းပုံ အခြေခံ ဥပဒေအောက်မှာ တပ်မတော်အကြီးအကဲက သမ္မတကို ကျော်လွန်ပြီး တိုင်းပြည်ကို တရားဝင် မောင်းနှင်နိုင်ပါတယ်။

ခုချိန်ထိတော့ တပ်မတော်အနေနဲ့ လုပ်ပိုင်ခွင့်အာဏာတွေကို အမှန်တကယ် ရယူစရာမလိုပဲနဲ့ သိသာတဲ့ လွှမ်းမိုးမှု
တွေ ရှိအောင် ဆောင်ရွက်နိုင်ပါတယ်။ အစိုးရကိုလည်း စစ်တပ်နဲ့ စစ်မှုထမ်းဟောင်းတွေက ကြီးစိုးပြီးပါပြီ။ နိုင်ငံတော် အဆင့်မှာ ရှိတဲ့ဝန်ကြီး ၄၆ ယောက်မှာ ၃၇ ယောက်က တပ်မတော်ကပါ။ ၎င်းတို့ အထဲကငါးဦးက တပ်မတော်မှာ တာဝန်ထမ်းဆောင်ဆဲပါပဲ။ တိုင်းနဲ့ပြည်နယ် ၁၄ ခုက အရေးပါဝန်ကြီးတွေကလည်း အရပ်သားက တစ်ယောက် တည်းဖြစ်ပြီး ကျန် တာတွေက အငြိမ်းစားယူခဲ့တဲ့ စစ်မှုထမ်း ဟောင်းတွေပါ။ အမျိုးသားလွှတ်တော်၊ တိုင်းဒေသကြီးလွှတ်တော်နဲ့ ပြည်နယ်လွှတ်တော်တွေရဲ့ ၂၅ ရာ ခိုင်နှုန်းကိုလည်း တပ်မတော်သားတွေအတွက် ထာားရှိပေးထားပါ တယ်။ အစိုးရကိုထောက်ခံတဲ့ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီမှာလည်း စစ်မှု ထမ်းဟောင်း အများစုပါဝင်ပြီး အစိုးရရဲ့ အကြီး တန်းအရာရှိ နေရာအားလုံးရဲ့ ၈၀ ရာခိုင်နှုန်းလောက်ကို ၀န်ထမ်းဟောင်းတွေက နေရာယူထားတာပါ။

အချို့သော တက်ကြွ လှုပ်ရှားသူတွေကတော့ ဒီထက်တစ်ဆင့်တက်ပြီး ပြောကြတာကတော့ ဦးသိန်းစိန် ဦးဆောင်တဲ့ အစိုးရအဖွဲ့ဟာ ၁၉၇၄ ခုနှစ် ဖွဲ့စည်းအုပ်ချုပ်ပုံ လိုမျိုး ၂၀၀၈ ခုနှစ်ဖွဲ့စည်းအုပ်ချုပ်ပုံကို နိုင်ငံရေးအရ အသုံးချပြီး အရပ်သားတစ်ပိုင်း အစိုးရရဲ့မျက်နှာဖုံးနဲ့ တိုင်းပြည်ကို တပ်မတော်ကဆက် လက်မောင်းနှင်နိုင်အောင် ဆောင်ရွက် တယ်ဆိုတာပါပဲ။ ဒီလိုပြောဆိုမှုတွေသာ မှန်မယ်ဆိုရင် စစ်တပ် ခေါင်းဆောင်ပိုင်းက သူတို့အလိုရှိတာကို ရရှိဖို့ အတွက် လက်ရှိ စနစ်ကို အသုံးချနိုင်တဲ့အတွက် အာဏာသိမ်းစရာ မလိုပါဘူး။ အခြေအနေက ဒီထက် ပိုရှုပ်ထွေး သွားမယ်ဆိုတာကို ပြောစရာတောင် မလိုတော့ ပါဘူး။ ၂၀၀၈ ခုနှစ်ဖွဲ့စည်းပုံ အခြေခံဥပဒေကို ရေးဆွဲခဲ့သူတွေရဲ့ ရည်ရွယ်ချက်က ဘယ်လိုပဲဖြစ်နေပါစေ လက်ရှိအချိန် မှာတော့ မြန်မာ့နိုင်ငံရေးကို စစ်တပ်ကချည်း လုံးဝဥသုံ လွှမ်းမိုးထားလို့ မရတော့ပါဘူး။

သို့သော် တပ်မတော်ကတော့ နိုင်ငံတော် အာဏာကို ဆုံးဖြတ်ခွင့်အရှိဆုံးသူအဖြစ် ဆက်ရှိနေပါသေး တယ်။
ဒေါ်အောင်ဆန်းစုကြည် မှတ်ချက်ပြုခဲ့တာကို သတိရမိပါတယ်။ စစ်မှန်တဲ့ ဒီမိုကရေစီစနစ်နဲ့ အစိုးရကို ၎င်းရဲ့ တပ်မတော်နဲ့ သဘောတူညီမှုနဲ့ ပူးပေါင်းဆောင်ရွက်မှုမရှိဘဲနဲ့ ဖော်ဆောင်ဖို့ဆိုတာ မဖြစ်နိုင်ပါ ဘူးဆိုတာပါပဲ။

(lowyinterpreter.org မှာ ဖော်ပြထားတဲ့ Griffith Asia Institute မှ သုတေသနပြုလုပ်နေသူ Andrew Selth ရဲ့ Burma: What chance another coup ကို ဘာသာပြန်ဆိုထားခြင်းဖြစ်ပါတယ်။)