www.padamyarfm.com
www.padamyarfm.com
http://goo.glhdUIvl
ဗုဒ္ဓဟူး, ၁၈ စက်တင်ဘာ ၂၀၁၉

Mizzima Burmese

Home > အာဘော်နှင့်အမြင် > ဆောင်းပါး > တြိ ပါဝါအားဖြင့် လျှောက်လှမ်းရဖွယ့် ခရီး

တြိ ပါဝါအားဖြင့် လျှောက်လှမ်းရဖွယ့် ခရီး

အီးမေးလ်ပို့ရန် ပရင့်ထုတ်ရန် PDF ဖိုင်ရယူရန်

Caroon-3
လွန်ခဲ့တဲ့တစ်နှစ်လောက်က မြန်မာသူငယ်ချင်းများနေ့ ဝဘ်ဆိုဒ် (friendsdaygroup.ning.com) မှာ ဆောင်းပါး
အနည်းငယ် ရေးခဲ့ဖူးပါတယ်။ တိတိကျကျ ပြောရရင်တော့ ''ပွဲတော်'' ဆိုတဲ့ခေါင်းစဉ်နဲ့ နှစ်ပုဒ် ''ဗျပ်စောင်းသံ
နှင့် ဘင်သံနှင့်'' ခေါင်းစဉ်နဲ့ နှစ်ပုဒ် ဖြစ်ပါတယ်။

ပွဲတော်ခေါင်းစဉ်နဲ့ကတော့ အပြီးသတ်ခဲ့ ပြီး ဗျပ်စောင်းသံနှင့်ဘင်သံနှင့်ကိုတော့ အပြီးမသတ်ရဘဲ ဒီအတိုင်း ရပ်ထားခဲ့ပါတယ်။ ပွဲတော်မှာက လွန်ခဲ့တဲ့ရာစုနှစ်တွေမှာ ကျွန်တော်တို့ကမ္ဘာကြီးကို အိုင်ဒီယော်လိုဂျီ ဦးဆောင်တွန်းရွှေ့ခဲ့ကြမှုနဲ့ ဖြစ်တည်ခဲ့တဲ့ အရွေ့တွေကို ရေးဖြစ်ခဲ့ပြီး၊ ဗျပ်စောင်းသံနှင့် ဘင်သံနှင့်မှာတော့ ကျွန်တော်တို့နိုင်ငံရဲ့ နိုင်ငံတကာ ဆက်ဆံရေးစာမျက်နှာအကြောင်း တို့ထိဖြစ်ခဲ့တာပါ။

အခု လတ်တလောကာလကို ကျွန်တော်စောင့်ကြည့်နေဖြစ်တော့ အဲဒီဆောင်းပါးတွေထဲမှာ ကျွန်တော် တွေးခဲ့ မိတာတွေကို ပြန်သတိရမိပြီး အခု ဆောင်းပါးကိုချရေးဖို့ ကြိုးစားမိခြင်းလည်း ဖြစ်ပါတယ်။ စကားဦး အနေနဲ့ ကြိုတင်ဝန်ခံ ထားချင်တာကတော့ ကျွန်တော့် ဆောင်းပါးဟာ တတ်သိပညာရှင်များအတွက် မဟုတ်ဘဲ အပြောင်းအလဲ ကာလရဲ့ တုန်ခါမှုတွေမှာ ဘယ်လိုအသံထွက်ပြလို့ ထွက်ပြရမှန်း မသိတော့ဘဲ ဝေဝါး
နေကြတဲ့ ကျွန်တော့်လို မိတ်ဆွေများအတွက် ရည်ရွယ်ရင်း ဖြစ်တယ်ဆိုတာပါပဲ။

ပွဲတော် ''ဆောင်းပါးမှာ ကျွန်တော်ကမ္ဘာကြီးကို သားရေကျက်ဗုံတစ်လုံး'' လို့ တင် စားခဲ့ပါတယ်။ အသံထွက်ဖို့ အတွက် တုန်ခါမှုရှိရပြီး၊ တုန်ခါမှုဖြစ်ပေါ်ဖို့အတွက် တီးခတ်သူ ရှိရတဲ့ အနေအထားကို ပြောချင်ခဲ့ခြင်းပါ။ ဗျပ်စောင်းသံနဲ့ ဘင်သံမှာတော့ အားလုံး သိကြတဲ့အတိုင်း လင်းယုန်နဲ့နဂါးကြား ကျွန်တော်တို့ ပိ ပြားမသွားဖို့ ဉာဏ်မီသလောက် တွေးကြည့်ခဲ့ခြင်း ဖြစ်ပါတယ်။ ကဲ အခုတော့ ကျွန်တော်တို့ မျှော်လင့်တကြီးဖြစ်ခဲ့ရတဲ့ အပြောင်းအလဲကာလကို ရောက်ရှိနေပြီးတော့ ကျွန်တော်တို့ ဘယ်လို အသံထွက်ကြမလဲဆိုတာကိုလည်း မဖြစ်မနေတွေးကြရပြီလည်း ဖြစ်ပါတယ်။

၂ဝ၁ဝ ရွေးကောက်ပွဲပြီးနောက် စစ်တပ်နောက်ခံ အရပ်သားအစိုးရ တက်လာအပြီးမှာ ကျွန်တော်တို့ ထွက်ပေးနေကြ
ရတဲ့ အသံတွေကတော့ နှစ်မြို့ဖွယ်ရာနည်းနည်းနဲ့ သွေးပျက်ထိတ်လန့်ဖွယ်ရာတွေက များများဖြစ်နေတယ်လို့
ပြောချင်ပါတယ်။

ခပ်စောစောကာလတွေတုန်းကတော့ '' ဒါတွေဟာ အပြောင်းအလဲကာလရဲ့ ဖြစ်ရိုး ဖြစ်စဉ်တွေပဲ၊ အစိုးရ သက်တမ်းမရှည်ကြာသေးတော့ စောင့်ကြည့်နေသင့်သေးတာပဲ '' လို့ ကျွန်တော်က ခံယူထားခဲ့ မိပါတယ်။ အခုအခြေအနေမှာတော့ ထွက်နေရတဲ့ အသံတွေကလည်း ပိုပိုပြီးဆိုးရွားလာသလို၊ အသံထွက်ပေးနေတဲ့ မျက်နှာပြင်အချို့ခမျာလည်း မောဟိုက် နွမ်းဖျော့လုလု အခြေအနေ ရောက်ရှိနေပြီလို့ ကျွန်တော်ကတော့
တွေးမိလိုက်ပါတယ်။

ခုနက ကျွန်တော် ပြောခဲ့ပါတယ်။ အပြောင်းအလဲ ကာလရဲ့ ဖြစ်ရိုးဖြစ်စဉ်တွေလို့။ ဘယ်နိုင်ငံမျိုးမဆို ဘယ်လို လူ့အဖွဲ့အစည်းမျိုးမဆို အပြောင်းအလဲဆိုတာ ရှိကို ရှိကြရပါတယ်။ အပြောင်းအလဲမရှိတဲ့ လူ့အဖွဲ့အစည်း မျိုးဟာ တိုးတက်မှုကင်းမဲ့ပြီး ''ရပ်တန့်နေတဲ့ လူ့အဖွဲ့အစည်း (Static Society) ပဲ မဟုတ်လား။ ဟုတ်ပြီ၊ အဲဒီလိုဂုဏ်သိက္ခာမဲ့ လူ့အဖွဲ့အစည်းမျိုးမဖြစ်ဖို့အတွက် ကျွန်တော်တို့ဟာ အပြောင်းအလဲကာလဆိုတာမျိုးကို မဖြစ်မနေလက်ခံရဲကြဖို့ လိုအပ်ပါတယ်။ ကဲ လက်ခံပြီပဲ ဆိုပါစို့။

လက်ခံလိုက်ရတဲ့ အပြောင်းအလဲ ကာလ အခြေအနေနဲ့အတူ မလွဲမသွေလိုက်ပါလာမှာကတော့ ''အပြောင်းအလဲ ကာလရဲ့ အကျပ်အတည်း''တွေပဲ ဖြစ်ပါတယ်။ ငြင်းဆန်ချင်လို့ မရပါဘူး။ အပြောင်းအလဲကို လိုလားခြင်းနောက်မှာ အကျပ်အတည်းတွေကို ရင်ဆိုင်ရဲခြင်းကလည်း ရှိကိုရှိနေရမယ့်အရာ ဖြစ်ပါတယ်။

အခု ကျွန်တော်တို့မှာ အကြပ်အတည်း ဖြစ်နေပါပြီ။ ဖြေသာစရာရှိတာက ဒီအကျပ်အတည်းဟာ တိုးတက်လို
သော လူ့အဖွဲ့အစည်းတိုင်းမှာရှိရမယ့် အပြောင်းအလဲကာလကို လက်ခံပြီးဖြစ်တာကြောင့် ရလာတဲ့ အကျပ်အတည်းဆိုတာ သေချာနေလို့ပါပဲ။ အပြောင်းအလဲကို လက်ခံနိုင်သူ လက်မခံနိုင်သူ၊ အပြောင်းအလဲ မှာ လူ့အဖွဲ့အစည်းတစ်ခုလုံးကိုပါ ကောင်း မွန်လာဖို့ ဦးတည်သူ ကိုယ်ကျိုးအတွက် ပွဲလန့်တုန်း ဖျာခင်းရုံမက ခြံဝိုင်းပါ ခတ်ချင်သူစသည်ဖြင့် လူ့အဖွဲ့အစည်းထဲမှာပဲ အချင်းချင်းဆွဲငင်ကြ နီးကပ်ကြ၊ တွန်းကန်ရုန်းထွက်ကြ
ဝေးကွာကြ၊ ကျွန်တော်တို့ မျက်မှောက်မှာ မြင်တွေ့နေကြရတဲ့အတိုင်းပဲ ဖြစ်ပါတယ်။

ဒီမိုကရေစီနဲ့ သိပ်အလှမ်းမဝေးတဲ့ နိုင်ငံနဲ့ လူ့အဖွဲ့အစည်းအချို့မှာတောင် အခုလို အကျပ်အတည်းတွေနဲ့ ရင်ဆိုင်ကြရတဲ့အခါ လွယ် ကူရိုးမရှိခဲ့ကြတာကို ကြည့်ရင် ကျွန်တော်တို့လို ဘယ်လိုစံနစ်မျိုးမှာမှ ထဲထဲဝင်ဝင် အဆီအငေါ်မတည့်ဖူးတဲ့ နိုင်ငံမျိုးလူ့အဖွဲ့အစည်း မျိုးအတွက်တော့ တွေးထားနိုင်တာထက် ပိုမိုခက်ခဲကြမ်းတမ်း
နေမှာ အသေအချာပဲ ဖြစ်ပါတယ်။

ကျွန်တော်တို့ အကျပ်အတည်းတွေကို ပိုပြီးသိပ်သည်းအောင် လှမ်းထောက်ထားတာ တွေကလည်း ရှိပါတယ်။ အမျိုးမျိုးအဖုံဖုံ စုံလင်ကြွယ်ဝလှစွာသော လူမျိုးစုများ၊ လူမျိုးစုဆိုင်ရာ ယဉ်ကျေးမှုများ၊ လိုအင်များ၊ အပြောင်း အလဲ ကာလအထိ မပြောင်းလဲသေးသော ဆင်းရဲမွဲတေမှုပြဿနာများ၊ ပညာရေးစံချိန်ညွှန်းမပီပြင်မှုများ၊ အာရှပစိဖိတ်ဒေသရဲ့ စီးပွားရေးအရသော်လည်းကောင်း၊ ပထဝီဝင်နိုင်ငံရေးအရသော် လည်းကောင်း (ဖွင့်မပြောသာသော အခြားအရေးများအရသော် လည်းကောင်း) မဟာဗျူဟာမြောက်အနေအထားကို ရရှိပိုင်ဆိုင်ထားမှု၊ လူဦးရေပေါက်ကွဲလုလု အိမ် နီးချင်းများနဲ့ နိုင်ငံ့နယ်နိမိတ်ဟာ အချိုးအဆ များများထိစပ်
နေမှု စသည်ဖြင့်ပေါ့ဗျာ။ ဒါတွေက ကျွန်တော်တို့တည်နေရာနဲ့ ကိုယ်ပိုင်လက္ခဏာရပ်များကြောင့် ရရှိထားတာတွေချည်းပဲ ဖြစ်ပါတယ်။

အဲဒီလိုမဟုတ်တဲ့ (ဖြစ်နိုင်ဖွယ်) အခြားထောက်ပံ့မှုတစ်ရပ်ကို ကျွန်တော်က ချပြချင်ပါတယ်။ အဲဒါက အမျိုးသားရေးဝါဒပဲ ဖြစ်ပါ တယ်။ အမျိုးသားရေးဝါဒလို့ဆိုတော့ ကျွန်တော်တို့ နိုင်ငံတွင်းက အခြေအနေ တချို့ကိုများ ပြေးမြင်မိကြမလားပဲ။ မဟုတ်ပါဘူး။ ကျွန်တော်ညွှန်းပြချင်တဲ့ အဝန်းအဝိုင်းက ဒီထက်ပိုပြီး ကျယ်ပြောပါတယ်။

ကမ္ဘာ့သတင်းရင်းမြစ်များနဲ့ မျက်ခြည်မပြတ်သူတိုင်း သိကြမှာပါ။ နော်ဝေပစ်ခတ်မှု၊ ဆွီဒင်အကြမ်းဖက် ဖျက်ဆီးမှု၊ လန်ဒန်နဲ့ ပါရီတို့မှာဖြစ်နေတဲ့ လူမျိုးရေးဆန့်ကျင်မှု ဖြစ်ရပ်များ။ ဒါတွေက ဖြစ်ပြီးတာတွေပေါ့လေ။
နောက်ထပ်လည်း ကျွန်တော်တို့ စောင့်ကြည့်ချင်စရာ ကောင်းလောက်အောင်ကို ဟောဒီ နှစ်ဆယ့်တစ် ရာစုဟာ အမျိုးသားရေးအခြေခံတဲ့ အတွေးအခေါ် အယူအဆစနစ်နဲ့ နိုင်ငံရေး၊ လူမှုရေး ရှုမျှော်ချက်တွေ အသက်ဝင်လာဖွယ်ရာ ရှိနေခြင်းပါ။