www.padamyarfm.com
www.padamyarfm.com
http://goo.glhdUIvl
အင်္ဂါ, ၂၆ စက်တင်ဘာ ၂၀၁၇

Mizzima Burmese

Home > အာဘော်နှင့်အမြင် > သဘောထားအမြင် > ရေရှည်တည်တံ့မည့် စီးပွားရေးအိပ်မက်

ရေရှည်တည်တံ့မည့် စီးပွားရေးအိပ်မက်

အီးမေးလ်ပို့ရန် ပရင့်ထုတ်ရန် PDF ဖိုင်ရယူရန်

ဒေါ်အောင်ဆန်းစုကြည်က မြန်မာနိုင်ငံအစိုးရသစ်အတွက် နိုင်ငံတကာစင်မြင့်တွင်ထိရောက်သည့် သံတမန်ကောင်း တစ်ဦးလိုဖြစ်နေသည်။ သူ၏မိန့်ခွန်းများက နိုင်ငံတကာပရိသတ်ကို ဆွဲဆောင်နိုင်ပြီး၊ သူ ကရေရှည်တည်တံ့သည့် ဖွံ့ဖြိုးရေး၊ တာဝန်သိ သည့်၊ မျှတမှုဖြစ်စေမည့် နိုင်ငံခြားရင်းနှီးမြှုပ်နှံမှုများ နိုင်ငံအတွင်းလာရောက် ဆောင်ရွက်ကြ ပါရန် တိုက်တွန်းလေ့ရှိသည်။

မကြာသေးမီက စင်ကာပူနိုင်ငံသို့အလည် သွားရောက်စဉ် ပြောကြားခဲ့သည့် မှတ်ချက်၌လည်း၊ စီးပွားရေးအရ ပြိုင်ဆိုင်နိုင်စွမ်း ဆိုသည်မှာ အရာခပ်သိမ်းမဟုတ်သေးကြောင်း၊ စင်ကာပူနိုင်ငံကို လူအများက စီးပွားရေးအောင်မြင် မှု ပြယုဂ်အဖြစ်ပြောဆို နေကြသည်ကို သူကထောက်ပြခဲ့ပြီး၊ လူအချို့ကို လှုပ်လှုပ် ရှားရှား ဖြစ်စေခဲ့သည်။ သို့သော်လည်းအိန်္ဒိယနိုင်ငံသို့ သွားခဲ့သည့် ၂၀၁၂ ခုနှစ်၊ နိုဝင်ဘာလခရီးစဉ်တွင် မူသူကသဘာဝသယံဇာတများကို ဆိုးကျိုးဖြစ်စေမည့်မြို့ပြများ ထူထောင်ချဲ့ထွင်လာမှုမှ ကာကွယ်ပေး ရန်လိုအပ်ကြောင်း တိတိလင်းလင်း ထုတ်ဖော်ပြောဆိုခဲ့သည်။ သူ၏နိုင်ငံတွင်းရှိ သဘာဝသယံဇာတများကို ထုတ်ယူအသုံးချနိုင်ရန် တာဝန်သိသည့် ရင်းနှီးမြှုပ်နှံမှုများလာရာက်ကြပါရန်လည်း ဖိတ်ခေါ်ခဲ့သေးသည်။ စွမ်းအင်နှင့် သယံဇာတဆိုင်ရာ အင်စတီကျု  The Energy and Resources Institute (TERI) ကျောင်းဝင်းအတွင်း ပြောကြားရာ၌ မြန်မာနိုင်ငံ၌ ရေရှည်တည်တံ့သည့် ဖွံ့ဖြိုးတိုးတက်မှုများ မည်သို့မြှင့် တင်နိုင်မည်ကိုလည်း နည်းလမ်းရှာဖွေခဲ့သေးသည်။

“မြန်မာနိုင်ငံက စွမ်းအင်သယံဇာတ ကြွယ်ဝပါတယ်။ ဒါပေမဲ့ လိုအပ်နေတာက ရင်းနှီးမြှုပ်နှံမှုတွေပဲ” ဟု သူက ဒေသခံ အိန်္ဒိယ သတင်းမီဒီယာများကို ပြောဆိုခဲ့သည်။ “ကျွန်မတို့က တာဝန်သိတဲ့ ရင်းနှီးမြှုပ်နှံမှု မျိုးရှာဖွေနေပါတယ်။ သဘာဝပတ်ဝန်းကျင် ကို မထိခိုက်စေရုံမျှမက၊ နိုင်ငံရဲ့ အနာဂတ်အတွက်လည်း အာမခံချက်ပေးနိုင်ဖို့ လိုအပ်တယ်။ စွမ်းအင်အရင်းအမြစ်တွေကို ဘယ်လိုစီမံမလဲဆိုတာ ကျွန်မတို့လေ့ လာဖို့ လိုအပ်နေပါသေးတယ်။ အဲဒါ အပြင်
မြန်မာနိုင်ငံမှာ ထိရောက်တဲ့စွမ်းအင်မူဝါဒတွေ လိုအပ်နေတယ်” ဟု ထည့်သွင်း ပြောဆိုခဲ့သည်။

သူ၏တောင်းဆိုမှုက နိုင်ငံတကာအသိုင်းအ၀ိုင်းအကြား ရိုက်ခတ်မှုရှိသည်။ အရိုးရှင်းဆုံးဆိုရသော်၊ မြန်မာနိုင်ငံ၏ အတိုက်အခံခေါင်းဆောင်နှင့် ဒီမိုကရေစီခေါင်းဆောင်ကသူ့နိုင်ငံကို စီးပွားရေးအကျိုးအမြတ် အတွက်ဖျာခင်းလာမည့် သူများထံ လမ်းဖွင့် မပေးလို။ ပတ်ဝန်းကျင်ပျက်စီးမည့်အရေး နည်းနည်းမျှ အလေးမထားဘဲ ငွေလွယ်လွယ်ရအောင် လာရောက်လုပ်ကိုင်ကြမည့် စီးပွားရေးသမားများကို ရည်ညွှန်း ပြောဆိုခြင်း ဖြစ်သည်။ သူကရေရှည်တည်တံ့ရေးကို အလေးပေး ပြောကြားပြီး၊ လူအများရော၊ ငွေကြေး လာရောက် မြှုပ်နှံသူများပါ အကျိုးရှိစေမည့် လုပ်ငန်းမျိုး ဖြစ်သည်။

၎င်းကိစ္စနှင့်ပတ်သက်၍ ဒေါ်အောင်ဆန်းစုကြည်က သမ္မတဦးသိန်းစိန်အစိုးရက ကြိုးပမ်းနေသည့် နိုင်ငံရပ်ခြား ရင်းနှီးမြှုပ်နှံမှုများ လာရောက်ရေးသတင်းစကားကိုထပ်၍ ပါးခဲ့သည်။

သမ္မတဦးသိန်းစိန်က ကုလသမဂ္ဂအထွေထွေညီလာခံတွင် ၂၀၁၂ ခုနှစ်၊ စက်တင်ဘာလ ၂၇ ရက်က ပြောဆိုခဲ့ရာ၌ သူ၏ အစိုးရသည် ဥပဒေနည်းကျအုပ်ချုပ်မှု၊ ညီမျှသည့် ဖြန့်ဖြူးခွဲဝေမှုတို့ကို လုပ်ဆောင်ရန် ရည်ရွယ်ထားသည်ဟု ဆိုသည်။ “ဥပဒေ၊ နည်းဥပဒေတွေကို ရေးဆွဲချမှတ်တဲ့အခါမှာ စီးပွားရေးဖွံ့ဖြိုး တိုး တက်လာမှုကြောင့် ဆူကြုံနိမ့်မြင့် ဆင်းရဲချမ်းသာ မကွာဟစေဖို့ကိစ်္စကို စဉ်းစားပြီး ချမှတ်နေပါတယ်။ နိုင်ငံ သားတွေရဲ့ အခွင့်အရေးတွေကို ကာကွယ်
ပေးရပါမယ်။ သဘာဝပတ်ဝန်းကျင် ကိုလည်း ထိန်းသိမ်းနိုင် ရ ပါမယ်။ ကျွန်တော်တို့လုပ်သားတွေဟာလည်း နိုင်ငံ တကာစံချိန်စံနှုန်း၊ အခွင့်အရေးတွေအတိုင်း ခံစားနိုင် စေရပါမယ်။ စွမ်းအင်လို သယံဇာတထုတ်လုပ်ရေးကဏ္ဍမှာ ရင်းနှီးမြှုပ်နှံမှုတွေကိုကျွန်တော်တို့က အထူး အလေးပေးစောင့်ကြည့်ပါတယ်။ ပွင့်လင်းမြင်သာမှုနဲ့ တစ်ဖက်သတ်
ဆောင်ရွက်မှုမျိုးတွေ မဖြစ်ဖို့လိုအပ် ပါတယ်” ဟု အထွေထွေညီလာခံ မိန့်ခွန်းတွင်ထည့်သွင်း ပြောဆိုခဲ့သည်။

ရေရှည်တည်တံ့ရေး

သမ္မတဦးသိန်စိန်က အကြိမ်များစွာပင်၊ ရေရှည်တည်တံ့ခိုင်မြဲရေးနှင့် သဘာဝပတ်ဝန်းကျင် ထိခိုက်ပျက်စီးမှု
လျှော့ချနိုင်ရေး အတွက် ထောက်ပြပြောဆိုခဲ့သည်။ သစ်တောများကို ကာကွယ်ထိန်းသိမ်းရန်အတွက် အလေးထား
ဆောင်ရွက်ဖို့ လိုအပ်ပြီး၊ လေထုနှင့် ရေညစ်ညမ်းမှုကိုလျှော့ချနိုင်ရန်၊ စက်မှုအညစ် အကြေးများစွန့်ပစ်မှုကို ထိန်းသိမ်းရန် တောရိုင်းတိရစ္ဆာန်များကို ကာကွယ်စောင့်ရှောက်ပေးရန် ကဏ္ဍပေါင်းစုံမှ ၀ိုင်းဝန်းလုပ်ဆောင်ရန် လိုအပ်သည်ဟုလည်း ဖော်ပြပြောဆိုခဲ့သည်။

သူကစီးပွားရေးဖွံ့ဖြိုးတိုးတက်မှုနှင့် တစ်ပြိုင်တည်းမှာပင် သဘာဝပတ်ဝန်းကျင် ထိန်းသိမ်းမှုလည်း ဆောင်ရွက်ရန်
ဖော်ပြပြောဆိုခဲ့သည်။ သဘာ၀၀န်းကျင်ထိန်းသိမ်းမှုတွင် ပြည်သူများ၊ လူမှုအဖွဲ့အစည်းများပါ ပါဝင်ဆောင်ရွက်
စေရေးအတွက် လှုံ့ဆော်စည်းရုံးရန်၊ ထို့အပြင် တန်ဖိုးနည်းသည့် ပြန်လည် သစ်နိုင်သောစွမ်းအင်ဖန်တီး ထုတ်လုပ်ရေး လုပ်ငန်းများဖန်တီးရေးကိုလည်း တိုက်တွန်းပြောဆိုခဲ့သေးသည်။ ထိုမျှမကသဘာဝပတ်ဝန်းကျင် ထိန်းသိမ်းနိုင်ရေးအတွက် ဥပဒေများကိုပြန်လည်ဆန်းစစ်ကြရန်၊ ပြင် ဆင်ကြရန်နှင့် ဥပဒေသစ်များချမှတ်ရန်လည်း အရေးကြီးပါသေးသည်။

သမ္မတက စီးပွားရေးဖွံ့ဖြိုးတိုးတက်အောင် ဆောင်ရွက်နေစဉ်၌ လျော်ကန်သင့်မြတ်သည့် အခြေခံပေါ် တည်ဆောက်
နိုင်ကြရန် အလေးပေးပြောသည်။ သို့သော်သိသာထင်ရှားသည့် ဖြစ်ပေါ်တိုးတက်မှုများကို လာမည့် ၄-၅ နှစ် အတွင်း မတွေ့ရနိုင် နှစ်ပေါင်း ၃၀ မျှ အချိန်ယူ၍ ဖွံ့ဖြိုးအောင်ဆောင်ရွက်ရမည်ဟု ဆိုပါသည်။

ဦးသိန်းစိန်နှင့် ဒေါ်အောင်ဆန်းစုကြည်တို့ လူသိရှင်ကြား ဖော်ပြပြောဆိုချက်များမှာ ထပ်တူထပ်မျှပင် ဖြစ်ပါသည်။ သို့သော်လည်း မည်သည့်ကံအကျိုးပေးအပေါ်မူတည်ကာ မြန်မာနိုင်ငံတွင် ရေရှည်တည်တံ့ သည့်၊ တာဝန်သိသည့်၊ တန်းတူညီမျှမှုရှိသည့် ဖွံ့ဖြိုးမှု ဖြစ်ပေါ်လာပါ့မည်နည်း။

အန္တရာယ်များသော လမ်းဆုံလမ်းခွ

မြန်မာနိုင်ငံက အန္တရာယ်သည် လမ်းဆုံလမ်းခွပေါ်တွင် ရှိနေသည်။ အောင်ပွဲခံ ပြောဆိုနေသည့် နိုင်ငံရေးနှင့် စီးပွားရေး ပြုပြင်ပြောင်းလဲမှုများကြောင့် အစိုးရအသုံးစရိတ်များ မြင့်တက်လာနေ သလို နိုင်ငံကိုလည်း နိုင်ငံခြား ရင်း နှီးမြှုပ်နှံသူများထံ တံခါးဖွင့်ပေးခဲ့သည်။ သို့အတွက်ကြောင့်လည်း လက်တွေ့တွင် နိုင်ငံခြား ရင်းနှီးမြှုပ်နှံမှုများ အလျင်စလိုရောက်လာစေရေး အသားပေးရင်းအပြောနှင့်သာ တံခါးဝတွင်ပင် နစ်မြုပ်ရ ပေတော့မည်။

အန္တရာယ်မှာ မျှော်လင့်နေကြသည့် ပြည်သူများအတွက် ကတိက၀တ်များကို မဖြည့်ဆည်းပေးနိုင်ခြင်းပင်
ဖြစ်သည်။ ဒေါ်အောင်ဆန်းစုကြည်နှင့် သူ၏ပါတီအမျိုးသား ဒီမိုကရေစီအဖွဲ့ချုပ်က လူငယ်များ အကြောင်းနှင့် အလုပ်အကိုင်ရရှိရေးကို ပြောသည်။ အောက်ခြေလူထုများကို ကူညီပေးရန် မျှော်လင့်ချက် ပေးသည်။ စစ်တပ်နှင့် မိတ်ဖက်ခရိုနီများ၏ လက်ဝါးကြီးအုပ်အခြေအနေမှ ရုန်းကန်နေရသည့် ကြွင်းကျန် စီးပွားရေးလုပ်ငန်းရှင်များကို ကူညီပေးမည်ဟု ဆိုသည်။

သို့သော် မြန်မာနိုင်ငံက အထီးတည်းနေသည့် နိုင်ငံတစ်ခု မဟုတ်ပေ။ မြင်တွေ့နေရသည်မှာ တရုတ်နိုင်ငံမှ ရင်းနှီးမြှုပ်နှံမှုများ နှေးကွေး၊ ကျဆင်းနေချိန်တွင်၊ မြန်မာနိုင်ငံတွင် အမေရိကန်နှင့် ဥရောပတို့မှ ရင်းနှီး မြှုပ်နှံမှုများဖြင့် အစားမထိုးနိုင်သေးခြင်း ဖြစ်သည်။ ဤသို့ ရင်းနှီးမြှုပ်နှံမှု အလာနည်းနေခြင်းနှင့် အလုပ်အကိုင် မဖန်တီးပေးနိုင်ခြင်း
ကြောင့် လူမှုရေးအရတင်းမာမှုများ ဖြစ်ပေါ်လာဖွယ်ရှိသည်။ အလုပ်လက်မဲ့ ပြဿနာနှင့် ဆင်းရဲမွဲတေမှုကလည်း ဦးစားပေးဖြေရှင်းရဦးမည့် ပြဿနာတစ်ခု ဖြစ်သည်။

မကြာသေးခင်ကမှ အောက်ခြေမှ ပြန်လည်လူးလဲထလာရသည့် စီးပွားရေးစနစ်တွင် ယခုနှစ်၌ ၆ ဒသမ ၂၅ ရာခိုင်နှုန်း ဖွံ့ဖြိုးတိုးတက်မှုရှိစေရန် လျာထားသည်ဆိုသည်မှာ အံ့သြဖွယ်တော့ မဟုတ်ပါ။ အလား အလာကောင်းဟု မှန်းဆနိုင်သည်။ ကျန်အာရှရှိ ပြည်ပတင်ပို့သည့်လုပ်ငန်းကို လုပ်ကိုင်နေကြသည့် နိုင်ငံ အများစုကအမေရိကန်
ပြည်ထောင်စု၊ ဥရောပ နှင့်ဂျပန်တို့တွင် စီးပွားရေးထိုင်းမှိုင်းမှုကို ရင်ဆိုင်တုံ့ပြန်နေရသည့် အခြေအနေ၌ မြန်မာနိုင်ငံ ကလည်းမသေချာမှုများကို ရင်ဆိုင်ကြုံတွေ့ရဖွယ် ရှိနေပါသေးသည်။

မြန်မာနိုင်ငံရှိ စီးပွားအခွင့်အလမ်းများကို သေချာဆန်းစစ်နေကြသည့် နိုင်ငံရပ်ခြားကုမ္ပဏီများကလည်း၊ မွတ်စလင် များအပေါ် အကြမ်းဖက်မှုများကွက်ကြားဖြစ်ပေါ်နေသောကြောင့် မြန်မာနိုင်ငံ၏ လူမှုရေးတင်းမာမှုများကို စောင့်ကြည့်
နေကြပါသေးသည်။ စစ်အစိုးရ၏ ဆယ်စုနှစ်များစွာကြာလွဲမှားသော အုပ်ချုပ်ရေး စနစ်ကြောင့် ငတ်မွတ်နေကြရသည့်
ပြည်သူများက မျှော်လင့်တောင့်တနေချိန်တွင်၊ နိုင်ငံ၏ တည်ငြိမ်မှု အပေါ်တွင်လည်း ပြဿနာ လှုပ်ခတ်မှုများ
ဖြစ်ပေါ်နေပြန်သည်။

သိသာထင်ရှားသည့် ရွေးချယ်စရာများ

မြန်မာပြည်ရှိ နိုင်ငံရေးသမားများအနေဖြင့်တိုး၍ ပြောဆိုဖော်ပြလာကြသည့် စိုးရိမ်ပူပန်မှုများဖြစ်သော ကော်ပိုရေး ရှင်းကြီးများ၏ လူမှုရေးအရတာဝန်သိမှု၊ ရေရှည်တည်တံ့ခိုင်မြဲမှု၊ ပွင့်လင်းမြင်သာမှု တောင်းဆိုချက်များအပေါ် လိုက်လျောညီထွေ ပြောင်းလဲလာဖွယ်ရှိပါသည်။ သို့သော်လည်း ထင်ထားသလို ရင်းနှီးမြှုပ်နှံမှုများ ရုတ်ချည်း
ရောက်မလာကြသည့် အခြေအနေတွင် ဤသို့ ချည်းကပ်ဆောင်ရွက်မှုကို မည်သို့မည်ပုံ လက်တွေ့ အကောင် အထည်ဖော်မည်နှင့် ကုန်ကျစရိတ်ကြီးမားမှုတို့အပေါ် ပြန်၍ ချင့်ချိန် ပြောင်းလဲကြဖွယ် ရှိနေပြန်သည်။ အလျင်စလိုနှင့် ဥပဒေများ၊ စည်းမျဉ်းများကို လျှော့ချပေးလိုက်သည် မျိုးလည်း ဖြစ်နိုင်ပါသည်။

စာရွက်ပေါ်တွင်နှင့် သူတို့၏၀က်ဘ်ဆိုက်ဒ် စာမျက်နှာများပေါ်တွင် ကုမ္ပဏီကြီးများက သူတို့က ကော်ပိုရေးရှင်းကြီး များ စောင့်ထိန်းလိုက်နာရမည့် တာဝန်သိမှုကို အလေးပေးဖော်ပြထားလေ့ ရှိကြပါသည်။ သဘာဝပတ်ဝန်းကျင်ကို မည်မျှစောင့်ထိန်းပေးသည်၊ ညီမျှသည့်ဖွံ့ဖြိုးမှုကို မည်သို့ဆောင်ကျဉ်းပေးမည် စသည်ဖြင့်လည်း ဖော်ပြထားလေ့ ရှိကြသည်။ သို့တိုင်အောင် မြန်မာနိုင်ငံသို့ရောက်ရှိလာကြသည့် ကုမ္ပဏီအများစုမှာ မည်မျှဈေးချိုချိုဖြင့် ရင်းနှီးမြှုပ်နှံ
နိုင်မည်ကို လာရောက်ရှာဖွေကြခြင်း ဖြစ်သည်။ ထို့ အပြင်သူတို့၏လုပ်ငန်းများကလည်း မည်မျှရေရှည်ခံမည်ကို မလွဲမသွေပြန်၍ မေးခွန်းထုတ်ရန်ရှိနေပါ သေးသည်။

ဤပြဿနာများမှာ နိုင်ငံတိုင်းလိုလိုကရင်ဆိုင်နေကြရသည့် ပြဿနာများဖြစ်သည်။ အထူးသဖြင့် စီးပွားရေးအရ ကျပ်တည်းထိုင်းမှိုင်းနေအချိန် ဖွံ့ဖြိုးဆဲနိုင်ငံများတွင် ကုမ္ပဏီများကသူ့ထက်ငါ လက်ဦးပြိုင်ဆိုင် လိုနေကြသည့် အချိန်မျိုးတွင် ဖြစ်သည်။

ရေရှည်တည်တံ့သည့် ဖွံ့ဖြိုးမှုကဖွံ့ဖြိုးရေးလုပ်ဆောင်နေသည့်ကဏ္ဍတွင် လူကြိုက်များသည့် ဆွေးနွေး ပြောဆိုစရာ ကိစ္စလည်း ဖြစ်သည်။ အင်ဒိုနီးရှားနိုင်ငံ၊ ဘာလီတွင် APEC ၂၀၁၃ ခုနှစ် ထိပ်သီးအစည်း အဝေးနှင့် တိုက်ဆိုင်၍ ၎င်းကိစ္စညီလာခံကို အင်ဒိုနီးရှားကအိမ်ရှင်ပြု ကျင်းပခဲ့သေးသည်။ မကြာသေးမီ ကကျင်းပသည့် ပထမဦးဆုံး အကြိမ်ရေရှည်တည်တံ့သည့် ဖွံ့ဖြိုးရေးဆိုင်ရာ နိုင်ငံတကာညီလာခံ ((International Conference on Sustainable Development (ICSD) 2013 တွင်၊ ဂေဟစနစ်နှင့် လျော်ညီသည့် ခရီးသွားလုပ်ငန်းကိစ္စကို အလေးပေး၍ ဆွေးနွေး ခဲ့ကြသေးသည်။

အင်ဒိုနီးရှားနိုင်ငံ၏ သမ္မတဆူဆီလို ဘမ်ဘမ်းယွတ်ဟိုယိုနိုက တက်ရောက်လာကြသည့် ပရိသတ်များကိုပြောကြား ရာ၌၊ အစိုးရများနှင့် မိတ်ဖက်ဆောင်ရွက်နေကြသူများက ရေရှည်တည်တံ့သည့် ဖွံ့ဖြိုးမှုနှင့် တန်းတူညီမျှမှု
ဖြစ်ပေါ်စေရန် ပူးတွဲလုပ်ဆောင်ကြရန်လိုအပ်ပြီး၊ အနာဂတ်အတွက်တန်ဖိုးများ မပေးဆပ်ရစေဘဲ ပစ္စုပ္ပန်ကို ဖွံ့ဖြိုးတိုးတက်စေရန် လိုအပ်သည်ဟုဆိုပါသည်။ “ကျွန်တော်တို့က စီးပွားရေးဖွံ့ဖြိုး တိုးတက်မှု အလားအလာနဲ့ အာဏာချိန်ခွင်လျှာအပြောင်းအလဲကို ချိန်ညှိကြိုးကိုင်တတ်ဖို့ လိုအပ်ပါ တယ်။ ဒီကိစ္စကိုလည်း လူတိုင်းက အခု ဆွေးနွေးပြောဆိုနေကြပါတယ်” ဟု သူက ပြောသည်။ “ကျွန် တော်တို့ကပိုပြီး အဖွဲ့အစည်းနဲ့ လုပ်ကိုင်ဖို့၊
နိုင်ငံတကာ ပူးပေါင်းဆောင်ရွက်မှုရယူဖို့၊ ပထ၀ီနိုင်ငံရေးမှာ ပြိုင်ဆိုင်မှုနည်းစေဖို့ လိုအပ်ပါတယ်” ဟု ဆိုခဲ့သည်။

ကုလသမဂ္ဂ ရေရှည်တည်တံ့သည့် ဖွံ့ဖြိုးရေးအဖြေများဆိုင်ရာ ကွန်ရက်၏ဒါရိုက်တာ ဂျက်ဖရီဆက်ခ်ျ (Jeffrey Sachs) က ညီလာခံသို့ တက်ရောက်လာသူများကို ပြောကြားရာ၌ နိုင်ငံအားလုံးတွင် စီးပွားရေး ဖွံ့ဖြိုးတိုးတက်မှုနှင့်
ရေရှည်တည်တံ့သည့် သဘာဝပတ်ဝန်းကျင် ကိစ္စပူးပေါင်းလုပ်ဆောင်ကြရာတွင် အမှန်တကယ်ပြဿနာ ကြုံတွေ့နေ ရကြောင်း၊ ယခုညီလာခံသည် အန္တရာယ်များလွန်းသည့် သဘာဝ ပတ်ဝန်းကျင်ဖောက်ပြန်ပြောင်းလဲမှုကို မည်သို့မည်ပုံ ရှောင်လွှဲနိုင်မည်ကို ဆွေးနွေးကြဖို့ ဖြစ်ကြောင်း၊ ကျောက်ဖြစ်ရုပ်ကြွင်း လောင်စာများထုတ်ယူသုံးစွဲ
နေသည်နှင့်စာလျှင် ပြန်ပြည့်မြဲလောင်စာများကို အသုံးချ၍ စွမ်းအင်စနစ်များမည်သို့ချမှတ်မည် ... စသည်တို့ကို
ဆွေးနွေးကြဖို့ဟုဆိုသည်။

“လိုအပ်တဲ့ ပြုပြင်ပြောင်းလဲမှုတွေအတွက် ကျွန်တော်တို့က အရှေ့တောင်အာရှတစ်လွှားမှာရှိတဲ့ တက္ကသိုလ်တွေနဲ့ ပူးတွဲအလုပ်လုပ်ပါမယ်။ သူတို့ကို အမှန်တကယ်အဖြေတွေ့အောင် အကြံပြုမယ်။ လက်တွေ့ဖော်ဆောင်ရမယ့် နည်းလမ်းတွေရှာမယ်။ အဲဒီအခါမှာ နိုင်ငံအနေနဲ့ရော၊ ဒေသတစ်ခုလုံးပါ တောင့်တင်း ကြံ့ခိုင်မှုရှိလာမယ်။ သူတို့ရဲ့ စီမံခန့်ခွဲမှုတွေကလည်း ရေရှည်တည်တံ့ဖို့ ဖြစ်လာမယ်။ စီး ပွားရေးစနစ်မှာ တန်းတူညီမျှမှုရှိလာမယ်။ ဒါက တစ်ကမ္ဘာလုံးဆိုင်ရာအတွက် ကြိုးပမ်းဆောင်ရွက်မှု တစ်စိတ်တစ်ဒေသပါပဲ။ နှစ်ပေါင်းများစွာ ကြာနိုင်ပါတယ်။ ဒါပေမဲ့ အခုစတင် ဆောင်ရွက်နေပြီး၊ ကျွန် တော်တို့ အင်မတန်စိတ်လှုပ်ရှားနေပါတယ်” ဟု သူက ပြောသည်။

မြန်မာနိုင်ငံက စီးပွားရေးအရအလျင်အမြန်ဖွံ့ဖြိုးနေသည့် ဒေသကြီးအတွင်း တည်ရှိနေသည်။ အင်အား ကြီးစီးပွားရေး
နှစ်ခုဖြစ်သည့် တရုတ်နှင့် အိန်္ဒိယတို့အကြားတွင် မဟာဗျူဟာမြောက်တည်ရှိနေသည်။ သို့ဆိုလျှင် နှစ်နိုင်ငံချင်း ကုန်သွယ်ရေးဖြင့် ၀င်ရောက်လာသည့် ရင်းနှီးမြှုပ်နှံမှုများ၏တွန်းအားဖြင့်များစွာ အကျိုးဖြစ်နိုင်သည်။

ပါမောက္ခဆက်ခ်ျက အကြံပြုထားသလို၊ သဘာဝပတ်ဝန်းကျင်ကို ထိန်းသိမ်းကာကွယ် နေသည့်အချိန် တွင် ၎င်းတို့ ဖွံ့ဖြိုးတိုးတက်စေရန် မည်သို့ဆောင်ရွက်ကြပါမည်နည်း။

ရှင်းလင်းမှုရှိစေခြင်း

အစိုးရ၏ စီမံကိန်းရေးဆွဲသူအချို့နှင့် အဲန်ဂျီအိုများက လွယ်ကူသည့်လုပ်ငန်းမဟုတ်ကြောင်း သဘောပေါက်ကြ ပါသည်။

ဒေသခံအစိုးရမဟုတ်သည့် အဖွဲ့အစည်းတစ်ခုဖြစ်သည့် Eco Dev အဖွဲ့၏ဒါရိုက်တာ ဦးဝင်းမျိုးသူက မဇ္ဈိမဘိဇနက် အပတ်စဉ် စာစောင်သို့ ပြောကြားရာ၌ အစိုးရကရေရှည်တည်တံ့သည့်ဖွံ့ဖြိုးမှုနှင့် ပတ်သက်၍ ထုတ်ဖော်ပြောဆိုမှုများ ရှိလာသည်။ သို့သော်များစွာ လုပ်ဆောင်ရဦးမည်ဟု ဆိုသည်။ “အစိုးရ ကကြိုးပမ်းဆောင်ရွက်မှုအချို့ လုပ်ပါတယ်။ ဒါပေမဲ့ ကျွန်တော်တို့ အမြင်ကတော့၊ လုံလောက်တယ် မထင်ပါဘူး။ ပြဿနာတစ်ခုကတော့ ဘတ်ဂျက်ပါ။ အစိုးရက သဘာဝပတ်ဝန်းကျင် နဲ့ပတ်သက်လုိ့ချ ပေးတဲ့ဘတ်ဂျက်က သိပ်နည်းပါတယ်။ ဘတ်ဂျက်တစ်ခုလုံးရဲ့ တစ်ရာခိုင်နှုန်း
လောက်ပဲ ရှိပါတယ်” ဟု ရှင်းပြသည်။

သို့အတွက်ကြောင့် အစိုးရကရေရှည်တည်တံ့သည့် ဖွံ့ဖြိုးတိုးတက်မှုအတွက် သံန်္နိဋ္ဌာန်ချမှတ် လုပ်ဆောင်မှုမရှိသေးဟု ဆိုနိုင်သည်ဟု ပြောသည်။

သမ္မတက “အဓိကမူဝါဒတစ်ခုအဖြစ် သဘာဝပတ်ဝန်းကျင် ထိန်းသိမ်းစောင့်ရှောက်ရေးကို အလေးပေး ဖော်ပြခဲ့ သည်” ဟု သူက ပြောပြသည်။ “ဒါဆိုရင် ဒါကိုသက်သေပြဖို့ သူကသဘာဝပတ်ဝန်းကျင်ဥပဒေ ရေးဆွဲတယ်။ ဒါပေမဲ့ ဥပဒေရေဆွဲထားပုံ၊ အတည်ပြုပုံက မျှော်လင့်ထားတဲ့ အတိုင်းပါပဲ။ သဘာဝပတ်ဝန်းကျင်ရေရှည်တည်တံ့မှုကို နည်းနည်းပဲကြည့်ပြီး စီးပွားရေးဖွံ့ဖြိုးတိုးတက်ဖို့ကိုပဲ အသားပေး တယ်” ဟုဆိုသည်။

လွှတ်တော်အမတ်များအကြား၌ ၂၀၁၂ ခုနှစ်တွင်ပြဋ္ဌာန်းခဲ့သည့် သဘာဝပတ်ဝန်းကျင် ဆိုင်ရာဥပဒေ အပေါ် ဆန့်ကျင်မှုများ အကြီးအကျယ်ရှိခဲ့သည်ဟု ဆိုသည်။ သူတို့အများစုက ယခုဥပဒေကြောင့် စီးပွားရေးလုပ်ငန်းများ အပေါ် သက်ရောက်ရိုက်ခတ်မှုရှိလာမည်ကို စိုးရိမ်နေကြသည်။

ယခု ဥပဒေရှိနေသော်လည်း အကောင်အထည်ဖော်မှုအပိုင်းတွင် ပြဿနာရှိနေသေးကြောင်း သူကဆိုသည်။ “အခုမှာ အစိုးရသစ်တောနဲ့ သဘာဝပတ်ဝန်းကျင် ထိန်းသိမ်းရေးဝန်ကြီးဌာနအောက်မှာ သဘာဝပတ်ဝန်းကျင်ဌာနဆိုတာ ရှိနေပါပြီ။ ဒါပေမဲ့ဝန်ထမ်းတွေ အရည်အသွေးကနိမ့်ပါတယ်။ သူတို့ကိုယ်ပိုင် ဓာတ်ခွဲခန်းတွေမရှိတော့၊ သဘာဝ ပတ်ဝန်းကျင် အရည်အသွေးကို သူတို့ဘယ်လိုသွားတိုင်းတာမှာလဲ” ဟု မေးခွန်းထုတ်သည်။

သမိုင်းအမွေဆိုး

သဘာဝ ၀န်းကျင်ဆိုင်ရာ တက်ကြွလှုပ်ရှားသူတစ်ဦးဖြစ်သူ သဘာ၀၀န်းကျင်ဆိုင်ရာ “အောင်ပင်လယ်”” ဟု အမည်ရသည့် လစဉ်မဂ္ဂဇင်းတစ်စောင်ကို ထုတ်ဝေနေသည့် ဒေါ်ဒေ၀ီသန့်ဇင်က ပြောရာတွင် ရေ ရှည်တည်တံ့သည့် ဖွံ့ဖြိုးမှုနှင့်ပတ်သက်၍ အစိုးရကြိုးပမ်းလုပ်ဆောင်နေမှုများကို မတွေ့မြင်ရသေး ကြောင်း၊ စက်မှုဇုန် စီမံကိန်းကြီးများ
ကြောင့် သဘာဝပတ်ဝန်းကျင်ထိခိုက်ရမည့်အရေးကို သေချာစောင့် ကြည့်ကာကွယ်နိုင်ရန် လုပ်ဆောင်မှု လက္ခဏာ များ မရှိသေးဟု ဆိုပါသည်။ “ဒါ ကြောင့်မိုလို့ ကျွန်မတို့က အော်နေရတာ၊ မေးခွန်းထုတ်နေရတာ။ ရေရှည် တည်တံ့တဲ့ ဖွံ့ဖြိုးမှု ဖြစ်ဖို့ဆိုရင် လုပ်ဆောင်ဖို့ အဆင့်များ စွာရှိပါတယ်။ ဒီအဆင့်တွေမလုပ်ဆောင်ဘဲနဲ့ လက်ပံတောင်းကြေးနီ မိုင်းလို ဒီနေ့ရင်ဆိုင်နေရတဲ့ပြဿနာ လိုမျိုး၊ မြစ်ဆုံရေကာတာလို ပြဿနာမျိုး ကြုံရမှာပဲ” ဟု ဝေဖန်သည်။

တစ်ပြိုင်နက်တည်းမှာပင် လက်တွေ့ကျရန်လည်း လိုအပ်သေးသည်။ “ဖြစ်နေပြီးသား ကိစ္စတွေအားလုံးကို ကျွန်မတို့ က လိုက်ပြီးဘာမှမလုပ်တာတော့ မဟုတ်ပါဘူး။ ဒါပေမဲ့လာမယ့် စီမံကိန်းများမှာတော့ (စက်မှုစီမံကိန်းများ) ကျွန်မတို့ က (အစိုးရ၏ ကတိက၀တ်ဖြစ်သည်) သူတို့ကို လျှင်လျှင်မြန်မြန် ဆောင်ရွက်ပေးစေ ချင်ပါတယ်။ ကတိတွေပဲ
ပေးနေပြီး၊ ဘာမှမလုပ်ဘူးဆိုရင် အဓိပ္ပါယ်မရှိပါဘူး” ဟု သူကပြောသည်။

ဒေါ်ဒေ၀ီသန့်ဇင်က မဇ္ဈိမဘိဇနက် အပတ်စဉ်စာစောင်သို့ ပြောပြရာ၌ အစိုးရကယခုတိုင် သဘာဝပတ်ဝန်းကျင် ဆိုင်ရာ ဥပဒေနှင့် နည်းဥပဒေများကို ထုတ်ပြန်ခြင်းမရှိသေးကြောင်း၊ သို့မှသာ စက်ရုံပိုင်ရှင်များက ပတ်ဝန်းကျင်ကို ညစ်ညမ်းစေပါက ခုံရုံးတင်တရားစွဲဆိုနိုင်မည်ဟု ဥပမာပေးသည်။ သို့သော်လည်း သူက ဤဥပဒေများ ပေါ်ပေါက်လာ သည်အထိ စောင့်ဆိုင်းနေမည်တော့ မဟုတ်ပေ။

သမ္မတက သူ၏ကတိစကားများအတိုင်း ရေရှည်တည်တံ့သည့် ဖွံ့ဖြိုးမှုအတွက် လေးလေးနက်နက် လုပ်ဆောင်ပါ မည်လော။

ဦးဝင်းမျိုးသူကတော့ အစိုးရ၏ ယခုအချိန်လုပ်ဆောင်လာသမျှ ကြိုးပမ်းမှုများအပေါ် ကျေးဇူးတင်သည် ဟုဆိုပါသည်။ သို့သော် လုပ်ဆောင်ရန်အလုပ်များ များစွာကျန်ရှိနေပါသေးသည်ဟုလည်း ပြောဆိုသွားခဲ့ ၏။

သန်းကျော်စိုးရေးသားသည့် Sustainable Economic Dream: As foreign investor interest slows, can Myanmar stick to its promise of sustainable development ဆောင်းပါးကို ဆီလျော်အောင် ပြန်ဆို ဖော်ပြ ပါသည်။