www.padamyarfm.com
www.padamyarfm.com
http://goo.glhdUIvl
တနင်္လာ, ၁၆ စက်တင်ဘာ ၂၀၁၉

Mizzima Burmese

Home > စီးပွားရေး > ဆောင်းပါး > ဆေးရွက်ကြီး ဆက်စပ်ကုမ္ပဏီများ မြန်မာပြည်တွင်းသို့ တစိမ့်စိမ့်ဝင်ရောက်လာ

ဆေးရွက်ကြီး ဆက်စပ်ကုမ္ပဏီများ မြန်မာပြည်တွင်းသို့ တစိမ့်စိမ့်ဝင်ရောက်လာ

အီးမေးလ်ပို့ရန် ပရင့်ထုတ်ရန် PDF ဖိုင်ရယူရန်

ကမ္ဘာ့အကြီးဆုံး ကုမ္ပဏီများအနေဖြင့် အခွင့်အလမ်းများစွာရှိသည့် မြန်မာ့ဈေးကွက်အတွင်းသို့ ၀င်ရောက်နေသည် အား လူသိများသော်လည်း၊ ဆေးရွက်ကြီးနှင့် ဆက်စပ်သည့် လုပ်ငန်းများ တစ်စိမ့်စိမ့် ၀င်ရောက်လာသည်အား သိရှိသူနည်းပါးနေသေးသည်ဟု အေပီသတင်းဌာနတွင် ဖော်ပြထားသည်။

လွန်ခဲ့သော နှစ်နှစ်တာ ကာလအတွင်းတွင် စစ်အာဏာရှင်စနစ်မှ ရုန်းထွက်ရန်အတွက် ပြုပြင်ပြောင်းလဲရေးများ
ပြုလုပ်နေခြင်းကြောင့် ကိုကာကိုလာ၊ ယူနီလီဗာနှင့် ဆူဇူကီးတို့ကဲ့သို့သော နိုင်ငံတကာ စီးပွားရေးလုပ်ငန်းကြီးများ
မြန်မာနိုင်ငံတွင်းသို့ အပြိုင်အဆိုင် ၀င်ရောက်လာကြသည်။

ဆေးရွက်ကြီး လုပ်ငန်းများလည်း အလားတူ ၀င်ရောက်လာခဲ့သည်။ သို့သော် ဖွင့်ပွဲ အခမ်းအနားများ၊ သတင်းစာ ရှင်းလင်းပွဲများ မပြုလုပ်ခဲ့ပေ။

ကမ္ဘာ့ဒုတိယအကြီးဆုံး ကုမ္ပဏီတစ်ခု ဖြစ်သည့် ဗြိတိန်-အမေရိကန် ဆေးရွက်ကြီး ကုမ္ပဏီမှာ မြန်မာနိုင်ငံတွင်
နောက်ငါးနှစ်ခန့်အတွင်း စီးကရက်များ ထုတ်လုပ်ဖြန့်ဖြူးရောင်းချရန်အတွက် ကန်ဒေါ်လာ သန်း ၅၀ ဖိုး ရင်းနှီးမြှုပ်နှံသည့် ဖွင့်ပွဲအခမ်းအနားအား အစိုးရအာဏာပိုင်အချို့နှင့် ကျင်းပခဲ့ပြီးဖြစ်သည်။ ယင်းကုမ္ပဏီစက်ရုံမှ အလုပ်ပေါင်း ၄၀၀ ခန့်အား ပေးနိုင်လိမ့်မည်ဟုလည်း သိရသည်။

ထို့အတူ ကမ္ဘာ့တတိယအကြီးဆုံး ဆေးရွက်ကြီး ကုမ္ပဏီတစ်ခုဖြစ်သည့် ဂျပန်တိုဘာကိုမှလည်း လွန်ခဲ့သော တစ်နှစ်ခန့်မှ စတင်ကာ မြန်မာနိုင်ငံသား စီးပွားရေးလုပ်ငန်းရှင်တစ်ဦးဖြစ်သည့် ဦးကျော်ဝင်းနှင့် စေ့စပ်ညှိနှိုင်းမှုများ တိတ်တဆိတ် လုပ်ဆောင်ခဲ့သည်။ ကုမ္ပဏီ၏ ပြောခွင့်ရပုဂ်္ဂိုလ် Royhei Sugata မှ စက်ရုံတည်ဆောက်ပြီးစီး
ကြောင်း အတည်ပြု ပြောကြားခဲ့သော်လည်း စက်ရုံတည်နေရာ၊ ကုန်ပစ္စည်း အမှတ်တံဆိပ် သို့မဟုတ် လုပ်ငန်း အရွယ်အစားအား အသေးစိတ်ဆွေးနွေးရန် ငြင်းဆန်ခဲ့သည်။

တရုတ်နိုင်ငံ၏ အကြီးဆုံး ဆေးရွက်ကြီး ကုမ္ပဏီတစ်ခုမှာလည်း သန်းပေါင်းမြောက်မြားစွာ ကုန်ကျမည့် အစုစပ် လုပ်ငန်းတစ်ခု ပြုလုပ်ရန် စီစဉ်ပြီးဖြစ်သည်။

“ဒီကုမ္ပဏီတွေက လူထုအာရုံစိုက်မှုကို ရှောင်ရှားနိုင်ဖို့အတွက် ဈေးကွက်အတွင်းကို ခိုးကြောင်ခိုးဝှက် ၀င်ရောက် လာပုံရတယ်” ဟု ဆေးလိပ်သောက်ခြင်းအား ဆန့်ကျင့်သည့် လှုပ်ရှားမှုများပြုလုပ်နေသည့် အငြိမ်းစား ဗိုလ်မှူးတစ်ဦးမှ မှတ်ချက်ပြုခဲ့သည်။

နေရာ တော်တော်များများရှိ လမ်းများမှာ လမ်းညွှန်သင်္ကေတများ လုံးဝမရှိသည့်အပြင် လျှပ်စစ်ဓာတ်အားများလည်း အစဉ်သဖြင့် ပြတ်တောက်နေလေ့ရှိသည့် မြန်မာနိုင်ငံအတွင်းမှ အရပ်သားတစ်ပိုင်း အစိုးရတာဝန်ရှိသူများမှ
နိုင်ငံခြားရင်နှီးမြှုပ်နှံမှုများဖြင့် အလုပ်အကိုင်သစ်များ ဖန်တီးရန် နှင့် ဖွံ့ဖြိုးတိုး တက်ရေး လုပ်ငန်းများ အရှိန်အဟုန်မြှင့်ရန် မျှော်လင့်နေသည်။ သို့သော် ကျန်းမာရေး၊ သဘာဝ ပတ်ဝန်းကျင်နှင့် လူမှုအကျိုးစီးပွား ကိစ္စရပ်များ ကဲ့သို့သော အရေးကြီး ကိစ္စရပ်များအား အရေးတယူ စဉ်းစား လေ့မရှိပေ။

ကျန်းမာရေး ၀န်ကြီးဌာန၏ အမျိုးသား အဆင့် ဆေးလိပ်နှင့်ဆေးရွက်ကြီးထိန်းချုပ်ရေး အစီအစဉ်အား ဦးဆောင်နေသည့် နန်းနိုင်နိုင်ရှိန်က မိမိတို့ဌာနမှ ဆန့်ကျင်သည့် ဗြိတိန်-အမေရိကန် ဆေးရွက်ကြီး ကုမ္ပဏီ၊ ဂျပန်တိုဘာကိုနှင့် အခြားအရာများအား မြန်မာ့ရင်းနှီးမြုပ်နှံရေး ကော်မရှင်မှ ပယ်ချလေ့ရှိသည် ဟု ပြောလိုက် သည်။ ထိုကော်မရှင်၏ ဒါရိုက်တာမှာ အဂတိလိုက်စားမှု စွပ်စွဲချက်များကြောင့် ရာထူးမှ နှုတ်ထွက်ခဲ့ရသော်လည်း
ဆေးရွက်ကြီး လုပ်ငန်းများအား ရင်းနှီးမြှုပ်နှံခွင့်ပြုခဲ့သည့် ဆုံးဖြတ်ချက်အား ပယ်ချခြင်းမရှိခဲ့ပေ။

နိုင်ငံတကာ ကုမ္ပဏီများအတွက်မှု ၎င်းတို့ စီးပွားရေးလုပ်နေသည့် ဒေသများတွင် ဆေးလိပ်သောက်သုံးသူဦးရေ ကျဆင်းလာသည့်အတွက် မြန်မာနိုင်ငံမှာ အခွင့်လမ်းကောင်းများဖြင့် ဆွဲဆောင်နိုင်သည့် နေရာတစ်နေရာ
ဖြစ်နေသည်။

မြန်မာနိုင်ငံမှာ ကျန်းမာရေးအသိ နည်းပါးပြီး ဆေးလိပ်နှင့် ဆေးရွက်ကြီး သုံးစွဲခြင်းအား ထိန်းချုပ်မှုတွင်လည်း အားနည်းသည်။ ထို့အတူ ထိရောက်သည့် ဆေးလိပ်သောက်သုံးမှု ဆန့်ကျင့်ရေးလှုပ်ရှားမှုများ မရှိသေးပေ။

အသက် ၈၉ နှစ်အရွယ်ရှိပြီဖြစ်သည် ဦးတင်မောင်က လွန်ခဲ့သော နှစ်ပေါင်း ၆၀အတွင်း ဆေးလိပ်နှင့် ဆေးရွက်ကြီး သုံးစွဲခြင်းနှင့် သက်ဆိုင်သည့် ရာနှင့်ချီသော ဆောင်းပါးများအား မဂ္ဂဇင်းများနှင့် နိုင်ငံပိုင် သတင်းစာများတွင်
ရေးသားခဲ့သည်။ ထို့အပြင် မြန်မာနိုင်ငံအတွင်းရှိ ဆွေးနွေးပွဲများနှင့် ကျောင်းများသို့ သွားရောက်လည်ပတ်ကာ
ဆေးလိပ်သောက်ခြင်း၏ အန္တရာယ်အား လူငယ်များသို့ ပညာပေး ဟောပြောမှုများ ပြုလုပ်ခဲ့ကြသည်။

မြန်မာနိုင်ငံရှိ အခြားလူငယ်များကဲ့သို့ပင် ဦးတင်မောင်မှာလည်း အသက်ဆယ်နှစ်အရွယ်တွင် ဆေးလိပ်
သောက်သုံးခြင်း စတင်ခဲ့သည်။ ထို့ကြောင့် ဆေးလိပ်စွဲရန် မည်မျှလွယ်ကူသူကိုလည်း ၎င်းမှ ကောင်းကောင်း သဘောပေါက်သည်။ သို့သော် လွန်ခဲ့သော အနှစ်နှစ်ဆယ်လောက်က Reader Digest တွင် ပါရှိသည့်
ဆေးလိပ်သောက်ခြင်းကြောင့် ဖြစ်ပေါ်သည့် အန္တရာယ်များအား ဖတ်ရှုပြီးနောက်တွင် ဆေးလိပ်သောက်ခြင်းအား ရပ်တန့်ခဲ့သည်။

ဆေးလိပ်နှင့် ဆေးရွက်ကြီး သောက်သုံးခြင်းကြောင့် ရရှိသည့် ကင်ဆာရောဂါဖြင့် ရန်ကုန်ဆေးရုံကြီးတွင်
ဆေးဝါးကုသမှုခံယူနေရသည့် လူနာများမှ အနည်းစုသာလျင် ဆေးရွက်ကြီးမှ သေစေနိုင်လောက်သည့် အန္တရာယ်များ ဖြစ်စေသည်အား အလွန်နောက်ကျမှ နားလည်ခဲ့ရသည်။

“ကျွန်တော်ကတော့ ဘယ်လိုမှကို စဉ်းစားလို့ မရပါးဘူး” ဟု နှစ်ငါးဆယ်ကျော်ကျော် ဆေးလိပ်သောက်သုံးခဲ့သည့် အသက် ၆၀ အရွယ် ဦးလှစိုးမှ ပုလင်းကြီးချိတ်နေစဉ် ပြောကြားခဲ့သည်။ “ကျွန်တော်က ရွာသား တစ်ယောက်ပါ။ လွန်ခဲ့တဲ့ တစ်နှစ်လောက်ကမှ အဆုတ်ကင်ဆာဖြစ်နေတယ်ဆိုတာကို သိခဲ့ရပြီး ဆေးလိပ်သောက်တာကို ဖြတ်ပစ် ခဲ့တာပါ” ဟု ၎င်း၏ အတွေ့အကြုံအား ပြန်လည်ဝေမျှခဲ့သည်။

မြန်မာနိုင်ငံအနေဖြင့် ကမ္ဘာ့ကျန်းမာရေး အဖွဲ့ (WHO) ၏ ဆေးရွက်ကြီးသုံးဆွဲမှု ထိန်းချုပ်ရေး သဘောတူညီချက် အား မကြာသေးခင်နှစ်များက သဘောတူလက်မှတ်ရေးထိုးခဲ့သည်။ သို့သော် ဆေးရွက်ကြီး နှင့် ဆက်စပ်သည့် ထွက်ကုန်များအား ရောင်းချအသုံးပြုခြင်းသည့် ဥပဒေများနှင့် စည်းမျဉ်းစည်းကမ်း များအား ပြဋ္ဌာန်းမှုအပိုင်းတွင် အားနည်းသည်။

အသက်မပြည့်သူများအား ရောင်းချခြင်းမှာ တရားမ၀င်ပေ။ သို့သော် အသက် ၁၂ နှစ်ရွယ် ကလေးသူငယ်များမှာ လမ်းဘေးဈေးဆိုင်များမှ ဆေးလိပ်များ ၀ယ်ယူနေသည်အား တွေ့မြင်နေကြဖြစ်သည်။

ဆေးလိပ်ကြော်ငြာများအား ပိတ်ပင်ထားသော်လည်း ဒေသခံကုမ္ပဏီများအနေဖြင့် အခြားနည်းလမ်းများဖြင့် အရောင်းမြှင့်တင်ခြင်းများ ပြုလုပ်နေသည်။ မြန်မာနိုင်ငံ၏ အချမ်းသာဆုံးဖြစ်သည့် သူဌေးကြီး ဦးတေဇ၏ ကုမ္ပဏီမှ ထုတ်လုပ်သည့် စီးကရက်ဘူးအချို့တွင် ကံစမ်းမဲများထည့်ကာ အရောင်းမြှင့်တင် လျက်ရှိသည်။

မြန်မာနိုင်ငံ ဈေးကွက်အတွင်းရှိ ဆေးလိပ်လုပ်ငန်းများနှင့် သက်ဆိုင်သည့် ဈေးကွက် အတွေ့အကြုံနှင့် အရည်အချင်းကောင်းများ ရရှိထားသည့် ဆေးလိပ်ကုမ္ပဏီများအနေဖြင့် ဥပဒေကြောင်းအရ အားနည်းချက်များ အား အခွင့်ကောင်းယူကာ ဘ၀တစ်သက်တာပတ်လုံး ဆေးလိပ်သောက်သူများအားဆွဲဆောင် နိုင်သည့် အနေအထားကောင်းတွင် ရှိနေသည်။

လက်ရှိ စည်းမျဉ်းစည်းကမ်းများ အောက်တွင် ဆေးလိပ်ကုမ္ပဏီများမှ ၎င်းတို့၏ လုပ်ငန်းများအား အရောင်းမြှင့်တင်ရန်အတွက် ကလေးသူငယ်များအား ပညာသင်စုများပေးခြင်း၊ ဒေသဖွံ့ဖြိုးရေး စီမံကိန်းများအား ထောက်ပံ့ခြင်းနှင့် ဖေ့စ်ဘွတ်ကဲ့သို့သော လူမှုကွန်ရက်ဝက်ဘ်ဆိုဒ်များအား အသုံးပြုလေ့ရှိသည်။

မြန်မာနိုင်ငံမှာ စီးကရက်ဘူးပေါ်တွင် သတိပေးသည့်ပုံထည့်သွင်းခြင်း မပြုသည့် ရှားပါးသော ဒေသတွင်း နိုင်ငံ တစ်နိုင်ငံဖြစ်သည်ဟု တီဘီရောဂါနှင့် အခြားရောဂါများ တိုက်ဖျက်ရေး နိုင်ငံတကာအဖွဲ့မှ ဆေးလိပ်နှင့်
ဆေးရွက်ကြီး သုံးဆွဲမှု ထိန်းချုပ်ရေးဆိုင်ရာ နည်းပညာအကြံပေးတာရာဆင်ဘန်မှ မြန်မာနိုင်ငံသို့ ဒုတိယအကြိမ် သွားရောက် လေ့လာအပြီးတွင် ပြောကြားလိုက်သည်။

လက်ရှိအချိန်တွင် မြန်မာနိုင်ငံရှိ ဆေးလိပ်သောက်သုံးသူ ဦးရေ၏ ငါးရာခိုင်နှုန်းသာ စီးကရက်သောက် သုံးသည်ဟု ကမ္ဘာ့ကျန်းမာရေးအဖွဲ့ စာရင်းဇယားများအရ သိရသည်။

အရှေ့တောင်အာရှဒေသ ဆေးလိပ်သုံးစွဲမှု ထိန်းချုပ်ရေး ညွှန့်ပေါင်းအဖွဲ့မှ Mary Assunta က ပြုပြင်ပြောင်းလဲမှုမှာ စီးပွားရေးအား အားကောင်လာစေမည်ဖြစ်ပြီး စာသုံးသူ အမူအကျင့်များလည်း ပြောင်းလဲလိမ့်မည် မျှော်လင့်
ကြောင်း ဖော်ပြထားသည်။

“ကျွန်မတို့အနေနဲ့ စီပွားရေး ဖွံ့ဖြိုးတိုးတက်လာပြီး ၀င်ငွေကောင်းတဲ့ လူလတ်တန်းစားတစ်ရပ် ပေါ်ထွက်လာ လိမ့်မယ်လို့ မျှော်လင့်ပါတယ်” ဟု သူမက ဆိုသည်။ ဆေးလိပ်သောက်သုံးသူများပြားသည့် လက်ရှိ အခြေအနေနှင့်
ပေါင်းစပ်လိုက်မည်ဆိုပါက “ဆယ်ကျော်သက်များနှင့် လူလတ်တန်းစားများအား ဈေးပေါသည့် စီးကရက်များ
ရောင်းချခြင်းဖြင့် ကုမ္ပဏီများမှ ဆွဲဆောင်နိုင်ပါလိမ့်မယ်” ဟု သူမ၏ အမြင်အား ပြောကြားခဲ့သည်။